Lajme

Specialja lejon publikimin me më pak redaktime të dëshmive të 10 dëshmitarëve në gjykimin ndaj Thaçit dhe të tjerëve

Autori: Gazeta inFokus 08:00 | 27 October 2026

Dhomat e Specializuara të Kosovës në Hagë kanë miratuar publikimin e versioneve me më pak redaktime të transkripteve të dëshmive të dhjetë dëshmitarëve në gjykimin ndaj ish-krerëve të Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi.

Vendimi është publikuar më 26 tetor 2026 nga Trupi Gjykues II, i cili ka vlerësuar se pjesët e transkripteve për të cilat nuk nevojiten redaktime të tjera mund të bëhen publike, duke ruajtur njëkohësisht identitetin, privatësinë dhe sigurinë e dëshmitarëve dhe personave të tjerë.

Në vendim, trupi gjykues ka miratuar redaktimet e propozuara nga Zyra e Prokurorit të Specializuar, me disa ndryshime. Ndërkaq, disa nga redaktimet shtesë të kërkuara nga Zyra për Mbrojtjen dhe Mbështetjen e Dëshmitarëve janë vlerësuar si të panevojshme, veçanërisht në rastet kur informacionet përkatëse tashmë janë bërë publike.

-Advertisement-

Sipas vendimit, Zyra e Prokurorit të Specializuar duhet t’ia dorëzojë Zyrës së Regjistrimit versionet e transkripteve me më pak redaktime.

Zyra e Regjistrimit, ndërkaq, duhet të sigurojë që redaktimet përkatëse të zbatohen edhe në versionet e transkripteve në gjuhën shqipe dhe serbe, si dhe në incizimet audio-vizuale, për aq sa kjo është teknikisht e mundur.

Vendimi synon të mundësojë publikimin e një pjese më të madhe të përmbajtjes së dëshmive, duke ruajtur masat mbrojtëse për dëshmitarët dhe personat e tjerë të përfshirë në proces.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy