Lajme

Haxhiu del në mbrojtje të Gërvallës e Sveçlës pas vrasjes së Arlinda Zekaj: Çfarë faji kanë ministrat?

Autori: Gazeta inFokus 17:09 | 26 October 2026

Kryetarja e Kuvendit të Kosovës, Albulena Haxhiu, ka dalë në mbrojtje të ministres së Drejtësisë, Donika Gërvalla, dhe ministrit të Punëve të Brendshme, Xhelal Sveçla, lidhur me rastin e vrasjes së Arlinda Sylaj Zekajt në Vitomiricë të Pejës.

Gjatë seancës së jashtëzakonshme të Kuvendit, Haxhiu ka vënë në pikëpyetje përgjegjësinë e dy ministrave, duke thënë se institucionet që ata drejtojnë kanë adresuar legjislacionin dhe mekanizmat që kanë pasur në dispozicion.

“Çfarë faji ka ministrja Gërvalla e ministri Sveçla, nëse Ministria e Drejtësisë dhe ajo e Brendshme i kanë adresuar legjislacionin dhe mekanizmat që i kanë në dispozicion? Cila është përgjegjësia që ka ministrja e Drejtësisë këtu apo ministri i Punëve të Brendshme?”, ka deklaruar Haxhiu.

-Advertisement-

Ajo ka theksuar se vëmendja duhet të përqendrohet te mënyra se si institucionet e vlerësojnë rrezikun, shkëmbejnë informacionet dhe sigurojnë zbatimin e masave mbrojtëse.

Sipas saj, në rastin e Arlinda Zekajt duhet të hetohen veprimet ose mosveprimet e secilit institucion të përfshirë.

“Për këtë arsye, mënyra se si vlerësohet rreziku, si shkëmbehen informacionet mes institucioneve dhe si ndiqet zbatimi i masave mbrojtëse duhet të jenë në qendër të vëmendjes sonë. Në rastin e Arlindës kërkojmë të hetohet veprimi apo mosveprimi i secilit institucion që ka qenë i përfshirë”, ka thënë ajo.

Deklarata e Haxhiut vjen në një ditë kur, pas vrasjes së Arlinda Zekajt, janë shtuar kërkesat për llogaridhënie institucionale. Gjatë ditës, është kërkuar edhe dorëheqja e ministres së Drejtësisë, Donika Gërvalla.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy