Lajme

Zgjedhjet në Serbi, thirrje për mobilizim në votimin e listës shqiptare

Autori: Gazeta inFokus 09:03 | 25 Tetor 2026

Sot, në Serbi po mbahen zgjedhjet e parakohshme parlamentare, ku shqiptarët e Luginës së Preshevës garojnë me një listë të përbashkët, të quajtur “Koalicioni Shqiptar”, me numrin rendor 17.

Në këtë ditë zgjedhjesh, shqiptarëve që jetojnë në Preshevë, Bujanoc dhe Medvegjë, si dhe atyre që jetojnë në Kosovë, u është bërë thirrje të shfrytëzojnë të drejtën e votës dhe të mbështesin listën e përbashkët shqiptare, me synimin për të siguruar sa më shumë përfaqësim në Parlamentin e Serbisë.

Thirrjet për mobilizim kanë ardhur nga përfaqësues të shumtë politikë shqiptarë, përfshirë kryeministrin e vendit, Albin Kurti, kryeparlamentaren Albulena Haxhiu dhe Ministren e Drejtësisë, Donika Gërvalla.

-Advertisement-

Mbështetje dhe thirrje për pjesëmarrje në votime kanë bërë edhe përfaqësues të partive të tjera politike, përfshirë Vlorën Çitakun nga PDK-ja, Lutfi Hazirin nga LDK-ja, Ramush Haradinaj nga Aleanca, si dhe kryetarin e BDI-së në Maqedoninë e Veriut, Ali Ahmeti.

Bashkimi i partive politike shqiptare në një listë të vetme synon të rrisë fuqinë përfaqësuese të shqiptarëve në institucionet e Serbisë dhe të forcojë zërin e tyre në Parlament.

Ndërkohë, qendrat e votimit janë hapur në orën 07:00 dhe do të mbyllen në orën 20:00. Sipas Komisionit Zgjedhor Republikan, në zgjedhje janë regjistruar 6 milionë e 450 mijë e 523 votues dhe garojnë gjithsej 18 lista zgjedhore.

Serbët nga Kosova mund të votojnë në vendvotimet e caktuara në Vranjë, Kurshumli, Rashkë dhe Tutin.

Rezultati i votimit për Koalicionin Shqiptar pritet të tregojë se sa do të arrijë mobilizimi i elektoratit shqiptar dhe çfarë peshe do të ketë përfaqësimi i tij në përbërjen e re të Parlamentit të Serbisë.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy