Lajme

Tahiri për rikthimin e ligjit për Specialen: I dëmshëm për kauzën e luftës për liri

Autori: Gazeta inFokus 15:17 | 23 Tetor 2026

Deputeti i Aleancës, Besnik Tahiri, ka kundërshtuar rikthimin në Kuvend të ligjit për Dhomat e Specializuara, duke vlerësuar se një veprim i tillë dëmton kauzën e luftës për liri.

Tahiri ka bërë të ditur se Aleanca e sheh këtë hap si të papranueshëm. Ai gjithashtu ka shprehur habi për mosreagimin e Qeverisë për dy javë, ndonëse, sipas tij, ligji gjatë kësaj periudhe kishte qenë në shqyrtim në Qeveri.

“Rikthimin e ligjit në Kuvend, si Aleancë, e kemi parë si një veprim jashtëzakonisht të dëmshëm dhe jo serioz, i cili në esencë për ne e ka dëmtuar kauzën. Për më shumë, jemi të habitur se si Qeveria po lëshon lot krokodili, gjoja se u gjet një gabim, derisa dy javë e ka pasur në Qeveri dhe s’ka dhënë asnjë koment”, ka deklaruar Tahiri.

-Advertisement-

Ai ka theksuar se Aleanca nuk do ta lejojë, siç është shprehur, dëmtimin e kauzës së luftës për liri, duke nënvizuar se në Hagë mbrohet e vërteta dhe jo partitë politike.

“Për Aleancën është akt i papranueshëm dhe do të shohim si do të rrjedhë. Për ne, në Hagë mbrohet tregimi për liri, nuk mbrohen partitë, mbrohet e vërteta jonë. Nuk do ta lejojmë dëmtimin e kauzës së luftës për liri”, ka thënë ai.

Deputeti ka shtuar se Aleanca ende nuk e di se çfarë do të ndryshohet në ligj, pasi, sipas tij, ende nuk e kanë parë letrën kthyese të presidentes. “Ne ende nuk dimë se çka do të ndryshohet, ende nuk e kemi parë letrën kthyese të presidentes”, ka përfunduar Tahiri.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy