Lajme

Komisioni për Legjislacion miraton raportin me amendamente për Projektligjin për Byronë

Autori: Gazeta inFokus 14:54 | 23 Tetor 2026

Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit, ka miratur raportin e Grupit Punues për Projektligjin nr. nr.11/L-006 për Byronë Shtetërore dhe Verifikimin e Konfiskimin e Pasurisë së Pajustifikueshme dhe më pas në tërësi raportin me amendamente për këtë projektligj. 

Raporti u miratua në mbledhjen e rregullt, që u mbajt të premten, e kryesuar nga kryetari Vigan Qorrolli, raporton “Betimi për Drejtësi”.

Për këtë raport, u kuptua se në mesin e këtyre amendamenteve, përfshihet edhe një amendament i deputetit Përparim Gruda, e që ka të bëjë me nenin 80.

-Advertisement-

“Propozimi i parë për raportin i cili përfshinë edhe amendamentin numër 5 me përkrahjen e grupit punues dhe ky amendament lidhet me nenin 80, i cili riformulohet dhe shtohen 5 paragrafë përkundër atyre 4 ekzsituese”, tha Qorrolli.

Për këtë raport përfundimtar, u konstatua se kaloi me 6 vota për, 3 kundër dhe asnjë abstenim.

“Konstatoj që raporti përfundimtar me amendamente për Projektligjin nr. nr.11/L-006 për Byronë Shtetërore dhe verifikimin e konfiskimin e pasurisë së pajustifikueshme, me 6 vota për, 3 kundër dhe asnjë abstenim kalon”, konstatoi Qorrolli.

Mirëpo, gjatë kësaj mbledhje, edhe pse u zhvilluan diskutime, nuk u kuptuan se cilat janë këto ndryshime.

Ky komision përbëhet nga Vigan Qorrolli (kryetar), Doarsa Kica-Xhelili (zëvendëskryetare e parë), Albert Kinolli (zëvendëskryetar i dytë), dhe anëtarët Adnan Rrustemi, Arijeta Rexhepi, Blerim Gashi, Artan Abrashi, Përparim Gruda, Blerta Deliu-Kodra dhe Besnik Tahiri.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy