Lajme

Samiti i Procesit të Berlinit, në fokus ekonomia dhe rruga drejt BE-së

Autori: Gazeta inFokus 08:08 | 22 Tetor 2026

Liderët e vendeve të Ballkanit Perëndimor do të diskutojnë për bashkëpunimin ekonomik, sigurinë dhe integrimin evropian në samitin e Procesit të Berlinit, që mbahet të enjten në Miloçer të Malit të Zi.

Në këtë takim pritet të trajtohen çështje që lidhen me zhvillimin ekonomik të rajonit, rritjen e konkurrueshmërisë dhe forcimin e bashkëpunimit ndërmjet vendeve, me synimin që ato të afrohen më shumë me Bashkimin Evropian.

Samiti organizohet në kuadër të Procesit të Berlinit, nismë e nisur në vitin 2014 për të nxitur bashkëpunimin rajonal dhe për të përshpejtuar integrimin evropian të vendeve të Ballkanit Perëndimor.

-Advertisement-

Në takim pritet të marrin pjesë liderët e Kosovës, Shqipërisë, Serbisë, Maqedonisë së Veriut, Malit të Zi dhe Bosnjë-Hercegovinës, si dhe përfaqësues të vendeve dhe institucioneve evropiane.

Përveç diskutimeve politike, rëndësi e veçantë pritet t’i kushtohet mundësive për të thelluar lidhjet ekonomike, për të lehtësuar bashkëpunimin ndërkufitar dhe për të avancuar nismat e përbashkëta që ndikojnë drejtpërdrejt në jetën e qytetarëve.

Procesi i Berlinit shërben si platformë për bashkëpunim ndërmjet vendeve të rajonit dhe partnerëve evropianë, ndërsa një nga synimet kryesore të tij është krijimi i kushteve më të mira për zhvillim dhe integrim në BE.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy