Lajme

Rusia thotë se është e gatshme të rifillojë bisedimet me Ukrainën dhe SHBA-në për t’i dhënë fund luftës

Autori: Gazeta inFokus 23:19 | 21 Tetor 2026

Rusia është “në parim e gatshme” të rifillojë bisedimet me SHBA-në dhe Ukrainën për t’i dhënë fund konfliktit, ka deklaruar një ndihmës i lartë i Vladimir Putinit, ka raportuar BBC, transmeton Gazeta Express.

Yuri Ushakov i bëri këto komente pasi Putini u takua me të dërguarin e posaçëm të presidentit amerikan Donald Trump, Steve Witkoff, në qytetin rus të Shën Petersburgut.

Ushakov tha se një raund i ri bisedimesh mund të zhvillohet muajin e ardhshëm, ndërsa presidenti i Ukrainës, Volodymyr Zelensky, u shpreh më vonë se dëshiron që kjo të ndodhë sa më shpejt të jetë e mundur. Kievi dhe aleatët e tij evropianë i kanë bërë prej kohësh presion Moskës për rifillimin e bisedimeve, të cilat u ndërprenë në muajin shkurt.

-Advertisement-

Rusia ka refuzuar prej muajsh, pasi beson se po fiton në fushën e betejës, ndërkohë që Ukraina përballet me një mungesë akute të raketave përgjuese për t’u mbrojtur nga sulmet vdekjeprurëse me raketa ruse.

Witkoff shkoi në Shën Petersburg pasi u takua me Zelenskyn, si dhe me udhëheqësit e Norvegjisë dhe Finlandës në kryeqytetin norvegjez, Oslo, të hënën.

Nuk është e qartë se çfarë propozimesh konkrete solli Witkoff për Putinin, por pas bisedimeve në Oslo, Zelensky deklaroi se ishte diskutuar për garanci “të forta” sigurie për Ukrainën, si dhe për propozime që lidhen me një armëpushim në sektorin e energjisë.

Ushakov u shpreh se idetë e tyre nuk ishin shumë “të dobishme”.

Zyrtarë të lartë nga Rusia, Ukraina dhe SHBA-ja kanë zhvilluar disa raunde bisedimesh me synim dhënien fund të luftës, e cila nisi në shkurt të vitit 2022, kur Putini ndërmori një pushtim në shkallë të gjerë të Ukrainës.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy