Lajme

Haxhiu: Kur thashë se arroganca i nxit protestat, s’gjykova shkaqet e protestave në Shqipëri

Autori: Gazeta inFokus 16:05 | 19 Tetor 2026

Kryeparlamentarja Albulena Haxhiu tha se deklarata e saj lidhur me protestat në Shqipëri, e dhënë sot pas mbledhjes së Kryesisë së Kuvendit, u shtrembërua.

Kështu, ajo publikoi deklaratën e plotë të saj në konferencën për media, duke përsëritur se “zhvillimet atje janë shqetësuese për të gjithë ne” dhe se situata “kërkon trajtim serioz”.

“Po shoh që disa media e kanë shtrembëruar përgjigjen time për protestat në Shqipëri. Më poshtë gjeni videon e përgjigjes time të plotë. Siç e kam thënë, zhvillimet atje janë shqetësuese për të gjithë ne. Ajo që po shohim kërkon trajtim serioz. Kërkesat e studentëve dhe të protestuesve duhet të dëgjohen nga institucionet, ndërsa dhuna duhet të ndalet nga të dyja palët”, shkroi ajo në një postim në Facebook.

-Advertisement-

Lidhur me deklaratën për nxitjen e protestave, Haxhiu tha se ka folur për “mënyrën si duhet t’u qasemi protestave në përgjithësi” atyre.

“Kur kam thënë se arroganca vetëm i nxit protestat, kam folur për mënyrën si duhet t’u qasemi protestave në përgjithësi, me seriozitet dhe me gatishmëri për të dëgjuar. Ky ishte një qëndrim parimor, jo gjykim për shkaqet e protestave apo akuzë ndaj ndonjë institucioni në Shqipëri”, shkroi ajo.

Haxhiu tha se Shqipëria është shtëpi për të, si për çdo shqiptar të Kosovës.

“Si shqiptare e Kosovës, për të cilën Shqipëria është shtëpi, u kërkoj të gjitha palëve që me maturi të gjejnë rrugën përpara. Besoj se përmes dialogut, ndasitë mund të tejkalohen dhe qetësia të rikthehet sa më shpejt”, shkroi ajo.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy