Lajme

Kompletohet Grupi Punues për Apelin në Hagë: Kuvendi përfaqësohet nga Çitaku, partitë caktojnë deputetët e tyre

Autori: Gazeta inFokus 13:46 | 19 Tetor 2026

Është kompletuar Grupin Punues për hartimin dhe harmonizimin e strategjisë shtetërore lidhur me procedurat e Apelit para dhomave të Specializuara në Hagë.

Në mbledhjen e sotme të kryesisë janë bërë publik edhe emrat e partive politike që do të jenë pjesë e këtij grupi.

Në mbledhjen e sotme Kryesia e Kuvendit ka vendosur që institucioni ligjvënës në këtë grup të përfaqësohet nga nënkryetarja e Kuvendit, Vlora Çitaku.

-Advertisement-

Lëvizja Vetëvendosje në këtë grup do të përfaqësohet nga deputeti Adnan Rrustemi, PDK-ja nga deputeti Uran Ismaili, LDK-ja nga deputeti Kujtim Shala, kurse Aleanca nga deputeti Bekë Berisha.

Paraprakisht, Qeveria ka bërë me dije se kryetar i këtij grupi do të jetë zëvendëskryeministri i parë Glauk Konjufca.

Deri me tani, nuk dihet se Presidenca nga kush do të përfaqësohet në këtë grup.

Pas mbledhjes së Kryesisë, kryetarja e Kuvendit, Albulena Haxhiu ka bërë të ditur se ka mirëpritur vendimin e Qeverisë për themelimin e këtij grupi punues.

“Do t’ju njoftoj se Kryesia e Kuvendit ka caktuar nënkryetaren e Kuvendit, zonjën Vlora Çitaku, si anëtare në grupin punues për harmonizimin e strategjisë shtetërore qytetare lidhur me procedurat e afatit para Dhomave të Specializuara në Hagë. Si kryetare e Kuvendit, unë kam thirrur në vazhdimësi takime me anëtarët e tjerë, çka sapo e deleguam në këtë grup, në mënyrë që Kuvendi i Republikës së Kosovës të jep kontribut maksimal”, ka thënë ajo, duke shtuar se në këtë grup do të ftohen edhe ekspertë të fushave të ndryshme.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy