Përparim Rama nënshkruan nismën për drejtësi dhe pafajësi për krerët e UÇK-së, fton qytetarët t’i bashkohen marshit të 12 shtatorit
Autori: Gazeta inFokus
16:22 | 28 August 2026
Në kuadër të iniciativave në përkrahje të fushatës për drejtësi për krerët e UÇK-së që po gjykohen në Hagë, Kryeqyteti ka ndarë një hapësirë publike pranë objektit të Reporting House, ku qytetarët e Prishtinës do të mund të shprehin mbështetjen e tyre.
Kryetari i Kryeqytetit, Përparim Rama, së bashku me ekipin e Komunës së Prishtinës, dhe me përfaqësues të “Liria ka Emër”, i është bashkuar simbolikisht iniciativës për mbështetjen e drejtësisë dhe pafajësisë së krerëve të Ushtrisë Çlirimtare të Kosovës (UÇK).
Rama ka nënshkruar në hapësirën publike pranë Reporting House në Prishtinë, duke shprehur përkrahjen e tij për këtë iniciativë qytetare.
Rama u bëri thirrje të gjithë qytetarëve të Kosovës t’i bashkohen iniciativës së nënshkrimit.
“Unë si kryetar i kryeqytetit, por edhe si prishtinali, nënshkrova që në emër të qytetarëve të Prishtinës i shpallim të pafajshëm heronjtë tanë. Jemi këtu për me mbrojtur vlerat e Ushtrisë Çlirimtare të Kosovës dhe do të jemi përherë, sa herë që cenohen ose ka tentim cenimi, që t’i mbrojmë vlerat e Ushtrisë Çlirimtare të Kosovës, ta mbrojmë të kaluarën tonë të dinjitetshme. E po ashtu, duke mbrojtur të kaluarën, duke mbrojtur historinë, duke i mbrojtur vlerat, e mbrojmë edhe të ardhmen e vendit tonë e kombit tonë.
I ftoj të gjithë qytetarët, jo vetëm të kryeqytetit, por të gjithë Kosovës, që të na bashkohen këtu në qendër të Prishtinës, jemi në sheshin “Skënderbeu”. Bashkohuni, ejani, nënshkruani edhe të bëhemi pjesë e historisë edhe t’i tregojmë botës që ne jemi këtu për t’i mbrojtur vlerat e Ushtrisë Çlirimtare të Kosovës, për ta mbrojtur luftën e drejtë të kombit tonë, të heronjve tanë”, tha ai.
I pyetur se a do të marrë pjesë në marshin e 12 shtatorit, dhe se a duhet të marrë pjesë kryeministri në detyrë, Albin Kurti, Rama tha se të gjithë duhet të marrin pjesë.
“Patjetër që po. Të gjithë duhet të marrim pjesë. Po them, aty është një marsh që është për mbrojtjen e vlerave të Ushtrisë Çlirimtare të Kosovës, pra për mbrojtjen e historisë tonë, për mbrojtjen e të drejtave, të luftës së drejtë të heronjve tanë. Për këtë arsye edhe ftoj të gjithë, pa marrë parasysh, prej kryeministrit, presidentit e të gjithë qytetarët e këtij vendi e më tej, më gjerë, që të vijnë edhe të na bashkohen më 12 shtator në mbrojtje të këtyre vlerave të Ushtrisë Çlirimtare të Kosovës dhe të luftës së drejtë që e kanë bërë heronjtë tanë, që tash po mbahen në mënyrë jo të denjë, tash e sa vite, 6 vite faktikisht. Pra, shpresojmë në lirimin e tyre”, u shpreh Rama.
Ndërsa, nënkryetarja e Prishtinës, Besianë Musmurati, ftoi qytetarët t’i bashkohen marshit dhe tha se ky aksion simbolik shërben për të treguar që Prishtina dhe Kosova po pret.
“Sot më vjen mirë që në emër të kryeqytetit jemi mbledhur këtu bashkë edhe në emër të të gjithë qytetarëve të Prishtinës për shpalljen të pafajshëm çlirimtarët tanë që po mbahen padrejtësisht në Hagë. Është një aksion simbolik që thotë edhe që flet që Prishtina po pret dhe Kosova po pret. Prandaj dua ta shfrytëzoj rastin që edhe më 12 shtator të ftoj të gjithë qytetarët e Kosovës që të na bashkohen në marshin për lirinë e çlirimtarëve tanë dhe rikthimin e tyre në shtëpi. Marshi do të mbahet nga ora 14:00 në sheshin “Skënderbeu” dhe i ftoj që të gjithë të marrim pjesë. Lufta e Ushtrisë Çlirimtare të Kosovës ka qenë dhe mbetet si një ndër themelet e lirisë tonë të cilën e gëzojmë sot, prandaj edhe i presim me padurim rikthimin e liderëve të UÇK-së në shtëpi më 12 shtator”, tha Musmurati.
E përfaqësuesja e platformës “Liria ka emër”, Eliza Hoxha, tha se presin të gjithë qytetarët pa asnjë dallim, t’i bashkohen marshit për liri.
“Prishtina si kryeqendër normalisht është adresa kryesore edhe për nxitjen, edhe reagimin, edhe shembulltyrë edhe për pritjen, sepse ne i presim të gjithë qytetarët e Kosovës që të na bashkohen si përherë në marshin për liri që e kemi më 12 shtator, të bëhemi bashkë pa dallim gjeografie, gjinie, moshe e ngjyrimi politik ose kulturor ose religjioz dhe të qëndrojmë aty për të treguar një gjë të vetme që është e qartë dhe që nuk ndryshon asnjëherë, e ajo është që çlirimtari mbetet çlirimtar”, tha ajo.
Nisma synon të mobilizojë mbështetjen publike në shenjë solidariteti me krerët e UÇK-së, të cilët po përballen me proces gjyqësor në Dhomat e Specializuara në Hagë./Eo

T� tjera
-
Kënga nacionaliste serbe në Forumin e BE-së për zgjerimin shkakton polemika
Gjatë Forumit të zgjerimit të Bashkimit Evropian, pas fjalimit të presidentes...
-
Çmimi i arit bie në nivelin më të ulët që nga shtatori 2025
Çmimi i arit ra sot në nivelin më të ulët që nga shtatori 2025, pasi forcimi ...
-
Gashi-Hamdiu: Nga viti 2021, Kosovës iu shtuan vetëm 30 megavatë
Ajrina Gashi-Hamdiu, ish-anëtare e Bordit të Drejtorëve të Operatorit të Sist...
-
Shkoi në punë në ëmbëltore, kur doli nuk e gjeti veturën – Mitsubishi zhduket në Dardani të Prishtinës
E parkoi veturën pranë vendit të punës, por kur doli ta kontrollonte, ajo ish...
-
Time Kadrijaj: A po keni rrymë? Neve na mbyti terri, ky është veç fillimi
Deputetja e Aleancës, Time Kadrijaj, ka reaguar lidhur me ndërprerjet e energ...
-
Probleme teknike në bankat e mëdha amerikane, mijëra klientë raportojnë vështirësi në aksesimin e llogarive
Klientët e Bank of America, JP Morgan Chase, Wells Fargo dhe disa bankave të ...
-
Mustafa: VV e mohonte që Kosova tregton rrymë nga Serbia, sot e ndaluan importin
Deputeti i PDK-së, Arben Mustafa, ka komentuar masat e Qeverisë për çështjen ...
-
Importi i lartë rrezikon shtrenjtimin e rrymës
Rritja e konsumit dhe importit të energjisë elektrike në Kosovë po i shton sh...
-
Aksidenti tragjik në Gjermani, Latifi ngushëllon familjet e dy të rinjve që humbën jetën
Lajmi i rëndë për vdekjen tragjike të dy të rinjve nga Komuna e Rahovecit në ...
-
Maqedonci: Njohja e Kosovës nga Ukraina do të mundësonte mbështetje më të madhe
Ministri i Mbrojtjes, Ejup Maqedonci, gjatë Konferencës për Deminimin në Ukra...
-
Sa kushton sot një litër naftë dhe benzinë? Kjo është gjendja në tregun kosovar
Rënia e çmimit të derivateve të naftës në tregjet ndërkombëtare është reflekt...
-
“Muj me hapë kompani në Tiranë e me ble rrymë prej Vuk Hamoviqit”, Janina Ymeri thotë se Kurti nuk e ka seriozisht ndalimin e tregtimit të energjisë me Serbinë
Deputetja e Lidhjes Demokratike të Kosovës (LDK), Janina Ymeri, është deklaru...



































