Lajme

Arbër Jashari pas aktakuzës për spiunazh: Armikun mund ta kemi duke na gërryer nga brenda

Autori: Gazeta inFokus 19:53 | 25 August 2026

Avokati Arbër Jashari ka reaguar pas aktakuzës së fundit të ngritur nga Prokuroria Speciale ndaj të pandehurit F.Sh., si dhe rasteve të tjera të dyshuara për spiunazh në Kosovë.

Jashari ka thënë se këto raste duhet të shërbejnë si alarm për rritjen e vigjilencës dhe ndërgjegjësimin e secilit që jeton dhe punon në Kosovë.

“Në Kosovën tonë të dashur, spiunazhi po del se paska qenë problem i madh. Armikun gjithmonë e kemi përfytyruar si dikë që një ditë na mësyn nga jashtë, me tanke e topa për të na pushtuar, duke harruar se atë mund ta kemi duke na gërryer nga brenda. Tamam si krimbi që hyn dhe e than pemën”, ka shkruar Jashari.

-Advertisement-

Sipas tij, tendencat për përçarjen, destabilizimin dhe tjetërsimin e shoqërisë ndonjëherë janë lehtësisht të dallueshme, por në raste të tjera paraqiten në mënyrë të sofistikuar.

“Këtu duhet të bëjmë kujdes të gjithë pa dallim, e sidomos ata që kanë më shumë hapësirë publike, sepse argat dreqit mund t’i bëjnë edhe pa vetëdije”, ka theksuar ai.

Jashari ka vlerësuar se përgjigjja ndaj këtyre rreziqeve është ndërtimi i një shteti të fortë, me institucione të qëndrueshme, njerëz të ndershëm dhe sundim të ligjit.

Ai ka përgëzuar profesionistët nga radhët e Agjencisë së Kosovës për Inteligjencë, Policisë dhe Prokurorisë, të cilët, sipas tij, me punën e tyre po mundësojnë ruajtjen e sigurisë kombëtare.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy