Vra*sja e gruas shtatzënë në Malishevë, burri dyshohet për kri*min, u gjetën të plag*osur në dhomën e gjumit – çka dihet deri tash
Autori: Gazeta inFokus
15:09 | 24 August 2026
jë ngjarje e rëndë ka përfunduar me vdekjen e një gruaje 25-vjeçare në fshatin Kërvasari të Malishevës, e cila ishte në javën e 34-t të shtatzënisë. Ajo u plagos me armë zjarri të dielën në mbrëmje dhe, pavarësisht përpjekjeve të mjekëve, nuk arriti t’u mbijetojë plagëve.
Në të njëjtin rast është plagosur edhe bashkëshorti i saj, i cili aktualisht po trajtohet në Qendrën Klinike Universitare të Kosovës. Gjendja e tij shëndetësore është rëndë dhe kritike për jetën, ndërsa Prokuroria e konsideron atë të dyshuar për vrasjen e gruas.
Ngjarja ka ndodhur rreth orës 23:20, kur Policia e Kosovës është informuar për të shtëna me armë zjarri dhe persona të plagosur. Pas mbërritjes në vendin e ngjarjes, zyrtarët policorë kanë gjetur çiftin në një dhomë gjumi, me plagë të shkaktuara nga arma e zjarrit.
Të dy janë dërguar fillimisht për trajtim mjekësor, ndërsa për shkak të gjendjes së tyre janë transferuar në QKUK në Prishtinë.
Drejtori i Klinikës Emergjente në QKUK, Naser Syla, ka bërë të ditur se gruaja ishte shtatzënë në javën e 34-t. Ekipet mjekësore kanë tentuar ta reanimonin, por plagët kanë qenë fatale. Vdekja e saj është konstatuar rreth orës 01:10.
Ndërkohë, bashkëshorti i saj është intubuar dhe është vendosur në respirator. Sipas mjekëve, ai vazhdon të jetë në gjendje shumë të rëndë dhe jostabile.
Prokuroria Themelore në Gjakovë ka konfirmuar se bashkëshorti i viktimës dyshohet për vrasjen e saj. Edhe ai ka pësuar plagë nga arma e zjarrit dhe, për shkak të gjendjes shëndetësore, vazhdon të trajtohet në QKUK.
Rasti është iniciuar për veprat penale “Vrasja e rëndë” dhe “Mbajtja në pronësi, kontroll ose posedim të paautorizuar të armëve”.
Autoritetet kanë theksuar se hetimet janë ende në fazën fillestare dhe se po punohet për të sqaruar mënyrën se si ka ndodhur ngjarja, rrethanat që i kanë paraprirë të shtënave dhe motivin e mundshëm.
Në vendin e ngjarjes kanë dalë prokurori i shtetit dhe njësitë përkatëse të Policisë së Kosovës, ndërsa janë ndërmarrë veprimet për mbledhjen dhe sigurimin e provave.
Komandanti i Stacionit Policor në Malishevë, Nazmi Zogaj, ka deklaruar se arma e dyshuar si mjet i përdorur në rast ishte me leje. Sipas tij, arma dyshohet se ishte në pronësi të prindit të të dyshuarit.
Megjithatë, autoritetet janë duke hetuar të gjitha rrethanat dhe mënyrën se si arma ka përfunduar në përdorim gjatë incidentit.
Me urdhër të prokurorit, trupi i pajetë i 25-vjeçares është dërguar në Institutin e Mjekësisë Ligjore në Prishtinë, ku pritet të kryhet autopsia.
Varrimi i viktimës është caktuar për sot, më 24 gusht, në orën 18:00, në varrezat e lagjes Foniqi, në fshatin Llazicë të Malishevës.
Hetimet pritet të vazhdojnë për të zbardhur plotësisht rrethanat e ngjarjes, ndërsa autoritetet pritet të japin informacione të tjera në varësi të zhvillimit të procedurave hetimore.

T� tjera
-
Ky është parashikimi i motit për nesër
Nesër në Kosovë parashihet të mbajë mot me diell, e vranësira lokale dhe rral...
-
Kryesia e Kuvendit mblidhet të martën, në rend dite edhe Projektligji për Buxhetin 2027
Kryesia e Kuvendit të Kosovës do të mblidhet të martën, më 17 nëntor, në orën...
-
KEDS njofton për ndërprerje të rrymës të martën, këto janë zonat që preken
Kompania për Distribuimin e Energjisë Elektrike në Kosovë (KEDS) ka njoftuar ...
-
Kënga nacionaliste serbe në Forumin e BE-së për zgjerimin shkakton polemika
Gjatë Forumit të zgjerimit të Bashkimit Evropian, pas fjalimit të presidentes...
-
Çmimi i arit bie në nivelin më të ulët që nga shtatori 2025
Çmimi i arit ra sot në nivelin më të ulët që nga shtatori 2025, pasi forcimi ...
-
Gashi-Hamdiu: Nga viti 2021, Kosovës iu shtuan vetëm 30 megavatë
Ajrina Gashi-Hamdiu, ish-anëtare e Bordit të Drejtorëve të Operatorit të Sist...
-
Shkoi në punë në ëmbëltore, kur doli nuk e gjeti veturën – Mitsubishi zhduket në Dardani të Prishtinës
E parkoi veturën pranë vendit të punës, por kur doli ta kontrollonte, ajo ish...
-
Time Kadrijaj: A po keni rrymë? Neve na mbyti terri, ky është veç fillimi
Deputetja e Aleancës, Time Kadrijaj, ka reaguar lidhur me ndërprerjet e energ...
-
Probleme teknike në bankat e mëdha amerikane, mijëra klientë raportojnë vështirësi në aksesimin e llogarive
Klientët e Bank of America, JP Morgan Chase, Wells Fargo dhe disa bankave të ...
-
Mustafa: VV e mohonte që Kosova tregton rrymë nga Serbia, sot e ndaluan importin
Deputeti i PDK-së, Arben Mustafa, ka komentuar masat e Qeverisë për çështjen ...
-
Importi i lartë rrezikon shtrenjtimin e rrymës
Rritja e konsumit dhe importit të energjisë elektrike në Kosovë po i shton sh...
-
Aksidenti tragjik në Gjermani, Latifi ngushëllon familjet e dy të rinjve që humbën jetën
Lajmi i rëndë për vdekjen tragjike të dy të rinjve nga Komuna e Rahovecit në ...































