Lajme

Kosovari i arrestuar në Kroaci, “ka qenë i burgosur nga Serbia gjatë luftës”

Autori: Gazeta inFokus 17:28 | 19 August 2026

Ditë më parë, autoritetet e shtetit kroat kanë arrestuar një shtetas të Kosovës, në bazë të një urdhër-arresti ndërkombëtar të lëshuar nga Interpoli me kërkesë të Serbisë.

I arrestuari, sipas të dhënave që ka siguruar Klankosova.tv, është Bajram Bajrami, 49-vjeçar, me prejardhje nga Nerodimja e Poshtme e Ferizajt. Ai u ndalua në Karasovic, pika kufitare Kroaci-Mali i Zi.

Ndërkaq, burime të Klankosova.tv kanë bërë me dije se “personi në fjalë gjatë luftës ka qenë i burgosur nga Serbia”.

-Advertisement-

Sipas të dhënave nga mediat kroate, Bajrami, bazuar në një fletarrest aktiv nga Serbia, akuzohet për krime gjatë luftës së fundit në Kosovë.

Po i njëjti burim ka thënë se Bajrami është ndaluar për t’u kryer procedurat e verifikimit, meqë shteti kroat është anëtar i Interpolit.

“Ai u arrestua para disa ditësh. Ndalimi i tij u bë për të kryer procedurat e verifikimit. I njëjti ka qenë i kërkuar në listën e Interpolit. Dhe shteti kroat, si anëtar i këtij mekanizmi, i respekton rregullat dhe procedurat”, deklaroi ky burim për Klankosova.tv.

Në anën tjetër, nënkryetari i OVL UÇK-së Gazmend Syla, deklaroi për Klankosova.tv se bazuar në informacionet fillestare, ai nuk gjendet në listat e veteranëve të luftës së UÇK-së.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy