Lajme

Ibrahim Berisha duke njoftuar për ekzemplarët e librit të ri, tregon se nuk do të bëhet president: Këto kanë qenë dhe do të mbeten fokusi im

Autori: Gazeta inFokus 22:28 | 18 August 2026

Emri i profesorit universitar Ibrahim Berisha është përmendur në media si një prej figurave të mundshme për postin e Presidentit të Kosovës.

Emri i tij u përmend pas takimit mes kryetarit të Lëvizjes Vetëvendosje, Albin Kurti, dhe kryetarit të LDK-së, Lumir Abdixhiku, ku një prej temave kryesore ishte çështja e zgjedhjes së presidentit të ri. Sipas raportimeve në media, Berisha ishte një prej emrave të diskutuar si mundësi për një kandidat konsensual.

Por, pikërisht në kohën kur emri i tij po qarkullon si kandidat i mundshëm për president, profesori Berisha ka bërë një postim që lë të kuptohet se planet e tij mbeten larg një angazhimi të tillë politik.

-Advertisement-

Berisha ka njoftuar se kanë dalë ekzemplarët e parë të librit të tij të ri, i cili përmban tri novela dhe titullohet “Rrëfimi i pendimit”.

“Sot dolën ekzemplarët e parë të librit tim të ri, tri novela: ‘Rrëfimi i pendimit’”, ka shkruar Berisha.

Në të njëjtin postim, ai ka theksuar se komunikimi, kultura dhe letërsia kanë qenë dhe do të vazhdojnë të mbeten fushat ku do ta përqendrojë angazhimin e tij.

“Komunikimi, kultura dhe letërsia kanë qenë dhe mbeten fokus i vetëm ku do të vazhdoj të përqendrohem”, ka deklaruar Berisha.

Ky deklarim vjen në kohën kur emri i tij po përmendet në media si një prej mundësive për postin e presidentit, ndërsa theksimi se komunikimi, kultura dhe letërsia mbeten fokusi i vetëm i tij lë të kuptohet se Berisha nuk synon përfshirjen në garën për kreun e shtetit./Gazeta Infokus/

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy