Lajme

Haradinaj kërkon sqarime për kontratën e KEK: Ne blejmë rrymë 1 miliard euro, madje edhe nga shteti që po i shesim qymyr

Autori: Gazeta inFokus 20:08 | 17 August 2026

Anëtari i Kryesisë së AAK-së, Daut Haradinaj, ka reaguar pas nënshkrimit të kontratës për furnizimin e Maqedonisë së Veriut me qymyr nga Kosova.

Haradinaj ka rikujtuar se për këtë çështje kishte paralajmëruar edhe para dy muajsh, duke e cilësuar si një tjetër rast të keqpërdorimit të pasurisë së Kosovës.

“Ne blejmë rrymë mbi 1 miliard euro dhe i shesim qymyr njërit nga shtetet prej të cilit blejmë rrymë”, ka shkruar Haradinaj.

-Advertisement-

Ai ka kërkuar nga KEK-u që të bëjë publike kontratën dhe vlerën e shitjes së qymyrit, ndërsa ka kërkuar transparencë edhe për çmimin me të cilin Kosova e blen energjinë elektrike nga Maqedonia e Veriut.

Haradinaj ka akuzuar kryeministrin në detyrë se ka qenë i përfshirë drejtpërdrejt në këtë proces.

“Ky është krim dhe këtë e dinë kryeministri në detyrë, sepse ka qenë direkt i involvuar”, ka deklaruar ai.

Postimi:

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy