Lajme

“Furia e Kuqe”, e pamëshirshme ndaj Spanjës – finalisti i parë i Botërorit

Autori: Gazeta inFokus 23:22 | 14 July 2026

Skuadra e Luis de la Fuente ka mposhtur pastër ekipin e Didier Deschamps.

Ndonëse në letër, Franca nga shumëkush u konsiderua favorite e kësaj përballje, në terren doli tjetër rezultat.

Mikel Oyarzabal çoi Spanjën në epërsinë 1-0 në minutën e 22-të nga pika e bardhë, duke mposhtur kështu gardianin francez, Mike Maignan. Me këtë rezultat edhe u mbyllën 45 minutat e parë.

-Advertisement-

Vlen të theksohet se Franca gjatë kësaj pjese nuk arriti të regjistronte asnjë goditje në portë.

Në pjesën e dytë, sërish ishte Spanja ajo që e donte më shumë golin, duke e gjetur rrjetën sërish në minutën e 58-të përmes Pedro Porros.

Vetëm pak minuta më vonë, Lamine Yamal shënoi për 3-0, por goli u anulua për pozitë jashtë loje.

Franca në këtë pjesë pati momentet e veta, mirëpo asnjëherë nuk arriti të rrezikonte seriozisht portën kundërshtare.

Kështu, me rezultatin 2-0, “Furia e Kuqe” siguroi biletën për finale, ku do të presë fituesin e ballafaqimit tjetër gjysmëfinal, Argjentinë-Angli, që luhet të mërkurën.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy