Lajme

Koncerti i Kanye West në Tiranë, Edi Rama tregon shifrën milionëshe

Autori: Gazeta inFokus 14:39 | 07 July 2026

Kryeministri Edi Rama zhvilloi sot një inspektim në stadiumin “Eagle Stadium”, ku pritet të mbahet koncerti i artistit ndërkombëtar Kanye West. I shoqëruar nga ministri Blendi Gonxhja, Rama ka hedhur poshtë pretendimet se janë dhënë dhjetarë e miliona euro për këtë koncert, ndërsa protestuesit i quajti sorra dhe korba bulevardi.

Kryeministri deklaroi se shteti shqiptar është detyruar të ndërhyjë financiarisht për të siguruar realizimin e koncertit, duke bërë të ditur se janë akorduar 4 milionë euro.

“Ky është një event i organizuar nga grupi privat, partner shqiptarë gjermanë, turq, që kanë marrë përsipër këtë ndërmarrje kolosale. Shteti shqiptar është detyruar të ndërhyjë vetëm dje për të dhënë jo dhjetëra e miliona euro siç thonë sorrat dhe korbat e bulevardit, por 4 milionë që ne të garantojmë që ata mijëra e mijëra njerëz që kanë prerë bileta nga Evropa, Amerika, nga Australia, 80 shtete dhe janë më shumë sesa ata që blenë biletat që erdhën për finalen e Konferencë Ligës.

-Advertisement-

Ky event nëse do mbetej i pa realizuar do ishte një mundësi më pak për ekonominë e kryeqytetit. Ata mijëra njerëz sjellin një impakt ekonomik të menjëhershëm, por edhe hap pas hapi. Këto janë evente, sepse bota nuk janë budallenj që organizojnë evente të tilla që kërkojnë një shpenzim në fillim, por janë investime. Investime për një Shqipëri tjetër që nuk ndalet dhe nuk kthehet prapa, të hidhen përpjeta ata që nuk duan,” u shpreh Rama.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy