Rozë

Moza drejt muzikës, zbulon bashkëpunimet e para

Autori: Gazeta inFokus 14:19 | 01 July 2026

Fituesja e edicionit të tretë të “Ferma VIP”, shkrimtarja dhe autorja e njohur Mimoza Ahmeti, ishte mbrëmjen e kaluar e ftuar në televizionin Vizion Plus.

Në një intervistë përballë gazetares Pranvera Borkaj, ajo ndau emocionet e saj dhe foli gjerësisht për eksperiencën unike brenda fermës në formatin Ferma VIP 3.

Gjatë bisedës, Moza zbuloi se pas daljes nga formati nuk i kanë munguar ofertat për bashkëpunime muzikore, duke përmendur dy emra të njohur: këngëtaren Tayna dhe mikun e saj, ish-fermerin Bujaka.

-Advertisement-

“Jam shumë e lumtur që Tayna ka shprehur dëshirën që të bëjë një bashkëpunim muzikor me mua dhe jam jashtëzakonisht e lumtur”, tha ajo.

Megjithatë, ajo sqaroi me humor se ekziston një “radhë” që duhet respektuar.

“Kur më tha Bujaka, i thashë ‘prit’ se Tayna më ka kërkuar e para,” përfundoi fituesja e “Ferma VIP 3”, duke lënë të kuptohet se projektet e reja muzikore pritet të vijnë së shpejti.