Reperi dhe producenti i njohur amerikan Sean Combs, i njohur si “Diddy”, është përballur sërish me ndryshimin e datës së parashikuar të lirimit nga burgu federal, ndërsa vazhdon procesi i tij i apelit.

Sipas People, të dhënat e Byrosë Federale të Burgjeve në SHBA tregojnë se ai tashmë pritet të lirohet më 23 shkurt 2028, një ndryshim i fundit që vjen pas disa rishikimesh të mëparshme. Më herët gjatë vitit, data e lirimit ishte caktuar fillimisht për 15 prill 2028, më pas për 25 prill 2028 dhe së fundmi edhe për datën 4 qershor 2028.

Autoritetet nuk kanë dhënë shpjegime zyrtare për këto ndryshime të përsëritura. Megjithatë, raportimet tregojnë se Combs po merr pjesë në një program rehabilitimi për abuzimin me substanca në burgun federal FCI Fort Dix në New Jersey, ku ndodhet aktualisht.

-Advertisement-

“Dua të jem baba për një farë kohe”, Ed Sheeran njofton largimin e përkohshëm nga muzika
Ai po vuan një dënim prej 50 muajsh burg pasi u shpall fajtor verën e kaluar për dy akuza që lidhen me transport për qëllime prostitucioni në një proces federal në New York. Në të njëjtin gjyq, ai u shpall i pafajshëm për akuza më të rënda, përfshirë trafikim seksual dhe komplot për organizatë kriminale.

Ekipi i tij ligjor ka apeluar vendimin dhe dënimin, duke argumentuar se marrëdhëniet në qendër të çështjes së tij kanë qenë me pëlqim dhe se dënimi është i tepruar. Në dokumentet e apelit, avokatët e tij e kanë cilësuar vendimin si “një shtrembërim të drejtësisë” dhe kanë kërkuar lirimin e menjëhershëm ose rigjykim të çështjes.

Nga ana tjetër, prokurorët federalë kanë kërkuar që apeli të rrëzohet, duke theksuar se gjykata ka marrë parasysh provat dhe sjelljen e tij gjatë përcaktimit të dënimit.

Apeli i çështjes mbetet ende në shqyrtim në Gjykatën e Apelit të Qarkut të Dytë në SHBA, ndërsa beteja ligjore e Combs vazhdon, pavarësisht ndryshimeve të përsëritura të datës së lirimit.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-