Sport

“10 vite pritje dhe sakrificë për një ditë si kjo…”, Amir Rrahmani i motivon shokët

Autori: Gazeta inFokus 14:13 | 26 March 2026

Kosova do të luajë sonte ndaj Sllovakisë pa kapitenin Amir Rrahmani, i cili fatkeqësisht u lëndua pak javë më parë teksa po luante me Napolin.

Por, edhe pse nuk është fizikisht me ekipin sonte në Bratislavë, ylli i Napolit e ka bërë një postim emocionues dhe motivues për shokët Dardanë.

“10 vite pritje dhe sakrificë për një ditë si kjo…”, shkroi kapiteni i Kombëtares, duke e kujtuar rrugëtimin e vështirë për të ardhur deri këtu, që nga pranimi në UEFA e në FIFA në vitin 2016.

-Advertisement-

Rrahmani ka pasur probleme me lëndime në vitet e fundit dhe nuk ka mundur të jetë konstant tek Kombëtarja.

Sidoqoftë, ai i ka nisur stërvitjet me Napolin dhe po shpreson që shokët ta bëjnë krenarë dhe eventualisht të luajë në Botërorin 2026 me Kosovën, nëse Dardanët i kalojnë dy sfidat e vështira që i presin, në gjysmëfinale të “play-off”-it me Sllovakinë dhe në finalen eventuale ndaj Turqisë ose Rumanisë. /Gazeta Express