Agjencia e Statistikave të Kosovës (ASK) ka publikuar të dhënat për skemat e mirëqenies sociale për muajt janar dhe shkurt 2026, të cilat tregojnë rritje të numrit të përfituesve në disa kategori kyçe, por edhe rënie në të tjera.

Sipas këtyre të dhënave, numri i përfituesve nga pensionet bazike të moshës ka shënuar rritje nga 163,487 në janar në 165,325 në shkurt, ndërsa edhe shuma e paguar është rritur nga 25.4 milionë euro në mbi 26.1 milionë euro.

Rritje vërehet edhe tek përfituesit e pensioneve për personat me aftësi të kufizuara, të cilët nga 20,909 në janar kanë arritur në 21,348 në shkurt, si dhe tek skema e të verbërve.

-Advertisement-

Në anën tjetër, disa kategori kanë shënuar rënie. Skema e ndihmës sociale ka rënë nga 16,110 përfitues në janar në 15,872 në shkurt, ndërsa edhe mbështetja financiare për familjet me fëmijë me aftësi të kufizuara ka pësuar ulje të lehtë.

Një ndër kategoritë më të mëdha mbetet ajo e shtesave për fëmijë, e cila në muajin shkurt ka arritur në 406,779 përfitues, me një vlerë totale prej 14.75 milionë eurosh të shpërndara.

Të dhënat tregojnë gjithashtu se pensionet kontributpaguese të moshës dhe pagesat për veteranët vazhdojnë të përbëjnë një pjesë të konsiderueshme të shpenzimeve mujore, me mbi 11.8 milionë euro për pensionet kontributpaguese dhe mbi 7.5 milionë euro për veteranët gjatë muajit shkurt.

Disa nga treguesit kryesorë:

 

• Pensionet bazike: 165,325 përfitues (+1,838 nga janari)
• Pagesa mujore për pensione bazike: mbi 26.1 milionë €
• Shtesat për fëmijë: 406,779 përfitues
• Ndihma sociale: 15,872 përfitues (-238 nga janari)

ASK thekson se struktura e përfituesve mbetet e fokusuar kryesisht në mbështetjen e të moshuarve, kategorive të dala nga lufta dhe familjeve në nevojë, ndërsa ndryshimet mujore reflektojnë lëvizje të vazhdueshme brenda skemave sociale.

Këto zhvillime tregojnë një trend të përzier, me rritje në kategoritë kryesore dhe rënie në disa skema sociale, duke reflektuar njëkohësisht edhe presionin në rritje mbi buxhetin e shtetit./Gazeta Infokus 

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-