Lajme

Mundësia e fundit për kalkulimin e numrave para afatit të Kushtetueses: Seanca e 52-të, mbahet më 25 korrik

Autori: Gazeta inFokus 13:45 | 23 Korrik 2025

Kuvendi i Kosovës do të mblidhet të premten, më 25 korrik në ora 11:00, në përpjekjen e 52-të për ta konstituuar legjislaturën e re, vetëm një ditë para përfundimit të afatit kushtetues të përcaktuar nga Gjykata Kushtetuese.

Një fakt simbolik që bie në sy është përputhja e numrit të seancës dhe datës – të dyja përmbajnë nga dy pesësha dhe dy dysha.

Seanca e fundit, e mbajtur këtë javë, dështoi pa nisur mirë, për shkak të një përplasjeje verbale mes deputetes së PDK-së, Ganimete Musliu, dhe kryesuesit të seancës, Avni Dehari. Musliu insistoi të fliste në foltore, ndërsa Dehari ia ndali mikrofonin, çka solli ndërprerjen e menjëhershme të seancës.

-Advertisement-

Ndërkohë, më 26 korrik përfundon afati 30-ditor i përcaktuar nga Kushtetuesja për formimin e Kuvendit, dhe vendi rrezikon të hyjë në një krizë kushtetuese nëse nuk arrihet marrëveshje për konstituim deri atëherë.