Lajme

Muja pretendon se PDK, LDK dhe gjyqtarët po orkestrojnë arrestimin e ministrave në detyrë

Autori: Gazeta inFokus 15:10 | 17 Korrik 2025

Deputeti i Lëvizjes Vetëvendosje, Armend Muja, ka akuzuar publikisht Lidhjen Demokratike të Kosovës (LDK) dhe Partinë Demokratike të Kosovës (PDK) për, siç tha ai, një koordinim të drejtpërdrejtë me sistemin e drejtësisë për të ndikuar në arrestimin e ministrave të Qeverisë Kurti.

Në një postim në Facebook, Muja pretendon se ekziston një skenar politik i mirëorkestruar nga opozita, në të cilin LDK dorëzon kallëzime penale, ndërsa “gjyqtarët e PDK-së”, siç i quan ai, marrin vendime që çojnë në veprime të njëanshme kundër zyrtarëve qeveritarë.

“Nga konferenca e djeshme e PDK-së dhe LDK-së u kuptua qartë: ka koordinim dhe orkestrim politik për arrestimin e ministrave tanë. LDK, si gjithmonë, mbetet vegël e PDK-së. Jemi përpjekur t’i largojmë nga kjo rrugë, por janë të pandashëm,” shkruan Muja.

-Advertisement-

Ai e cilësoi këtë qasje si përpjekje për të rikthyer pushtetin në tavolinë, e jo nëpërmjet vullnetit të qytetarëve.

“Skenari i njohur: LDK dorëzon kallëzime penale, ndërsa gjyqtarët e PDK-së nxjerrin vendime dhe urdhëra. Këta duan të rikthehen në pushtet përmes gjykatave, jo përmes qytetarëve. Por kjo nuk do të ndodhë!” shtoi ai.

Muja gjithashtu kritikoi bllokadën e fundit në Kuvend, duke e lidhur me këtë strategji politike dhe duke bërë thirrje për zgjedhje të reja.

“Nëse nuk duan Kuvendin, atëherë le të shkojmë në zgjedhje! Mjaft është mjaft. Le të vendosin qytetarët për përbërjen e re të Kuvendit,” përfundoi deputeti i Vetëvendosjes./Gazeta Infokus

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy