Lajme

“I ka ardhë koha”, avokati Koci thërret për protestë masive para Kuvendit

Autori: Gazeta inFokus 13:31 | 09 July 2025

Avokati Arianit Koci ka bërë thirrje për protestë masive dhe paqësore përballë Kuvendit të Kosovës, nëse edhe pas përpjekjes së 50-të dështon konstituimi i legjislaturës së re.

Përmes një postimi në Facebook, Koci ka paralajmëruar mbajtjen e protestës ditën e diel, më 20 korrik, me një kërkesë të vetme: funksionalizimin e institucioneve dhe përfundimin e bllokadës politike, shkruan Gazeta Infokus.

“Protesta do të jetë e qetë dhe paqësore, me një kërkesë të qartë: Të funksionojnë institucionet. Të marrë fund bllokada. Kjo çështje na përket të gjithëve. Qytetaria aktive është e domosdoshme,” ka shkruar Koci.

-Advertisement-

Si formë simbolike për të matur përkrahjen, Koci ka kërkuar 10 mijë pëlqime në postimin e tij, duke shtuar se në mungesë të tyre, protestën do ta mbajë edhe i vetëm.

“Si shenjë që e kam përkrahjen tuaj, më duhen të paktën 10.000 pëlqime në këtë postim. Nëse nuk i kam – protestën e vazhdoj i vetëm.”

Koci theksoi se do ta njoftojë zyrtarisht Policinë për protestën, siç kërkohet me ligj, prandaj i duhet të dijë me kohë nëse do të ketë përkrahje nga qytetarët.

“Sipas ligjit, protesta duhet të njoftohet paraprakisht në polici. Prandaj, më duhet ta di me kohë: A do të dal vetëm – apo bashkë me qytetarë të tjerë?”

Dështimi i vazhdueshëm për të konstituuar Kuvendin ka shkaktuar zhgënjim dhe zemërim të madh në opinionin publik, ndërsa thirrjet për veprim qytetar po rriten dita-ditës.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy