Ekonomi

Ymeri ngre alarmin: Rritje për 48 fish e çmimit të transportit të energjisë, blloqet e KEK-ut u ndalen në të njëjtën ditë – rast për hetim

Autori: Gazeta inFokus 10:17 | 08 July 2025

Inxhinierja e energjisë, Janina Ymeri, ka ngritur pikëpyetje të mëdha për çmimin e transportit të energjisë elektrike në datën 9 prill 2025, duke e quajtur të pajustifikueshme dhe shqetësuese rritjen e tij për 48 fish brenda një dite.

Sipas saj, ng të dhënat publilke të transportit, një ditë përpara, më 8 prill, çmimi i transportit ishte 7,035 euro, ndërsa për 9 prillin është vendosur të jetë 342,481 euro, shkruan Gazeta Infokus.

“Çudi! Rritje e çmimit të transportit për 48 fish brenda një dite,” ka shkruar Ymeri, duke shtuar se në orët e para të mëngjesit të 9 prillit, edhe blloqet A3 dhe B2 të KEK-ut kishin ndaluar prodhimin.

-Advertisement-

Ajo ka ngritur dyshime nëse ndalja e këtyre blloqeve ishte e parashikuar dhe nëse tregtarët e energjisë kanë pasur informacion paraprak për krizën e asaj dite.

“A ranë blloqet papritmas, apo ishte e ditur se do të ndalen nga funksioni dhe sy mbyllazi është lejuar që çmimi i transportit të energjisë të rritet për 48 fish? A i patën informatat më herët tregtarët e energjisë për krizën e 9 prillit?”, pyet ajo.

Ymeri kërkon që kjo çështje të sqarohet dhe të hetohet, duke nënvizuar se çmime të tilla të “stratosferike” të transportit janë alarm për transparencë dhe menaxhim të drejtë të tregut energjetik./Gazeta Infokus