Lajme

Ferat Shala: Raporti i Auditorit konfirmon kolapsin në “Trepçë” dhe demanton Qeverinë Kurti

Autori: Gazeta inFokus 14:06 | 01 July 2025

Deputeti i Partisë Demokratike të Kosovës, Ferat Shala, ka reaguar pas publikimit të raportit të Auditorit të Përgjithshëm për gjendjen në ndërmarrjen publike “Trepça”, duke e cilësuar atë si një konfirmim zyrtar të paralajmërimeve të vazhdueshme për krizën e thellë në këtë ndërmarrje, shkruan Gazeta Infokus.

Sipas Shalës, raporti i auditimit “demanton skajshmërisht” deklaratat e Qeverisë Kurti, Ministrisë së Ekonomisë dhe menaxhmentit të ndërmarrjes, të cilët, sipas tij, kanë ndjekur politika të dëmshme që e kanë çuar “Trepçën” drejt kolapsit.

“Raporti i Auditorit të Përgjithshëm konfirmon të gjitha pretendimet tona për gjendjen në ndërmarrjen ‘Trepça’ dhe demanton skajshmërisht Qeverinë, Ministrinë e Ekonomisë dhe menaxhmentin e ‘Trepçës’ për politikat që kanë ndjekur në dëm të kësaj ndërmarrjeje,” ka deklaruar Shala.

-Advertisement-

Ai thekson se gjendja aktuale është më e rënda ndonjëherë dhe shifrat flasin vetë për një kolaps të pashmangshëm.

“Gjendja në ‘Trepçë’ nuk ka qenë kurrë më e rëndë. Shifrat tregojnë qartë, de facto dhe de jure, se ‘Trepça’ është para kolapsit,” shtoi ai.

Shala ka publikuar edhe pjesë nga raporti i auditimit për të mbështetur akuzat e tij, duke kërkuar përgjegjësi institucionale për gjendjen alarmante të kësaj pasurie publike.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy