Rozë

Aludime për afërsinë me Ledrin, Xhensila zbulon të vërtetën

Autori: Gazeta inFokus 23:08 | 03 June 2025

Mbrëmja e spektaklit “AG Show”, e udhëhequr nga Aurela Gaçe, solli jo vetëm emocione dhe performanca muzikore, por edhe një moment të papritur që vuri në qendër të vëmendjes këngëtaren Xhensila Myrtezaj dhe thashethemet e fundit për një lidhje të mundshme me reperin Ledri Vula.

Prej javësh, rrjetet sociale dhe mediat rozë janë të mbushura me spekulime për një romancë mes dy artistëve, të nxitura nga bashkëpunimi i tyre muzikor dhe afërsia e dukshme në videoklipin e publikuar. Kënga është kthyer në një hit të menjëhershëm në platforma streaming dhe YouTube, por ajo që ka tërhequr më shumë vëmendjen e publikut ka qenë kimia mes tyre në klip.

Gjatë një interviste në skenën e “AG Show”, Aurela Gaçe vendosi ta pyesë Xhensilën për këtë çështje, duke i treguar një foto të përhapur në rrjet ku ajo shihet pranë Ledrit. Pyetja ishte e qartë: “A ka diçka më shumë mes jush, përtej muzikës?”

-Advertisement-

Xhensila reagoi menjëherë, duke i dhënë fund spekulimeve: “Ishte vetëm një punë profesionale. Nuk ka tjetër përtej muzikës.”