Rozë

Konfirmohet ndarja e çiftit të njohur, Hati: Vendimi ishte i imi

Autori: Gazeta inFokus 17:46 | 14 May 2025

Pas muajsh spekulimesh në rrjetet sociale dhe mediat rozë, influencerja e njohur Hatixhe Braka, e njohur për publikun si Hati, ka konfirmuar ndarjen nga Jashar Stojku. Gjatë intervistes në emisionin “The Dalina Show”, foli hapur për një nga kapitujt më të vështirë të jetës së saj.

“Vendimi për t’u ndarë ka qenë i imi,” u shpreh Hati me qetësi, duke shtuar se megjithëse ishte një hap i vështirë, ishte i domosdoshëm për mirëqenien e saj emocionale. Ajo theksoi se ka pasur mbështetjen e familjes gjatë gjithë kësaj periudhe.

“Edhe familja do lumturinë time. Përderisa ata shohin që jam e qetë dhe e lumtur, janë të lumtur edhe ata,” shtoi ajo.

-Advertisement-

Aktualisht, Hati deklaroi se ndodhet në një proces personal shërimi dhe se është e përqendruar tek vetja dhe e ardhmja.

“Jam në shërim e sipër, unë jam e re dhe jeta vazhdon,” përfundoi ajo.