Lajme

Shtrenjtohet edhe qumështi, vezët dhe mjalti për kaq pëqind në Kosovë

Autori: Gazeta inFokus 16:19 | 05 Maj 2025

Çmimet e produkteve blegtorale si qumështi, vezët dhe mjalta kanë shënuar një rritje prej 4.7% në tremujorin e parë të vitit 2025, krahasuar me të njëjtën periudhë të vitit të kaluar, shkruan Gazeta Infokus.

Kështu bën të ditur Agjencia e Statistikave të Kosovës (ASK) në raportin e saj të fundit mbi indeksin e çmimeve të prodhimeve bujqësore.

Sipas ASK-së, indeksi i përgjithshëm i prodhimeve bujqësore është rritur për 2.9% në TM1 2025, krahasuar me periudhën përkatëse të vitit 2024.

-Advertisement-

Ndërkohë, indeksi i çmimeve të prodhimeve bimore ka shënuar një rritje më të lehtë, prej 0.6%, krahasuar me tremujorin e parë të vitit të kaluar.

ASK sqaron se të dhënat për çmimet e prodhimeve bujqësore bazohen në dy kategori kryesore: prodhimet bimore dhe ato blegtorale.

Në kategorinë e prodhimeve bimore përfshihen çmimet e grumbulluara për: drithëra, bimë foragjere, perime, patate dhe pemë.

Në kategorinë e prodhimeve blegtorale përfshihen: gjedhët, delet, derrat dhe pulat – ku çmimet janë llogaritur bazuar në peshën e gjallë të kafshëve.

Ndërsa për prodhimet si qumështi, vezët dhe mjalta, çmimet janë mbledhur në njësi të matshme si kilogram, litër dhe copë, dhe janë paraqitur në vlerë Euro.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy