Lajme

Rama: Kurrizi nuk do të kundërmojë më, kemi instaluar një sistem tërësisht të ri dhe modern të ventilimit

Autori: Gazeta inFokus 14:41 | 01 Maj 2025

Kryetari i Prishtinës, Përparim Rama ka thënë se tuneli i Kurrizit nuk do të kundërmojë më.

Rama ka njoftuar se kanë instaluar një sistem tërësisht të ri dhe modern të ventilimit.

“Trotuare për këmbësor – Ky transformim e bën hapësirën të qasshme jo vetëm për veturat, por edhe për këmbësorët, duke i kthyer rrugët në zona të sigurta dhe të lira për të gjithë qytetarët.

-Advertisement-

Tualete Publike – Hapësirat publike të uzurpuara janë liruar, dhe në vend të tyre kemi krijuar tualete publike funksionale dhe të aksesueshme për të gjithë”, tha ai.

Rama shton se edhe ndriçimi do të jetë i garantuar.

“Por kjo nuk është e gjitha – Kurrizi tashmë është menduar si një hapësirë artistike unike, ku do të ekspozohen vepra arti dhe ekspozita që pasqyrojnë identitetin kulturor dhe artistik të kësaj zone emblematike”, ka pohuar ai.

Sipas Ramës, ky është vetëm fillimi i një transformimi që do ta kthejë Kurrizin në zemrën urbane të kreativitetit dhe komunitetit.

“Në qershor e bëjmë hapjen bashkë”, ka pohuar kryetari Rama.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy