Lajme

Vr* asja e rreshterit Lika, BIK: Akt tronditës e i dënueshëm, është detyrë e gjithë neve që t’i demaskojmë këta njerëz

Autori: Gazeta inFokus 14:22 | 25 April 2025

Bashkësia Islame e Kosovës (BIK) ka reaguar ashpër ndaj vrasjes së eprorit të Policisë së Kosovës, Muhamed Lika, duke e quajtur këtë akt një goditje të rëndë ndaj rendit publik dhe moralit shoqëror, shkruan Gazeta Infokus.

Në ligjëratat e sotme të xhumasë, imamët iu kushtuan një pjesë të veçantë këtij rasti tragjik, me rekomandim të myftiut Naim Tërnava.

“Ky akt i rëndë është tronditës dhe thellësisht i dënueshëm. Ai prek sigurinë e qytetarëve dhe cenon themelet morale mbi të cilat ndërtohet shoqëria jonë,” thuhet në reagimin e BIK-ut.

-Advertisement-

BIK ka kërkuar zbardhje të menjëhershme të ngjarjes dhe drejtësi për të ndjerin, duke apeluar që autorët të dalin përpara ligjit dhe të marrin dënimin e merituar.

“Vrasja e Muhamed Likës, ish-pjesëtar i Ushtrisë Çlirimtare të Kosovës dhe oficer i përkushtuar i Policisë së Kosovës, është një plagë e rëndë për shtetin dhe shoqërinë tonë. Kjo vrasje ka tronditur jo vetëm institucionet e rendit, por edhe ndërgjegjen tonë kolektive,” theksohet më tej.

BIK u bën thirrje institucioneve që të forcojnë mekanizmat e sigurisë dhe të parandalojnë ngjarje të tilla tragjike në të ardhmen.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy