Lajme

Muharremi: Koha nuk po punon për LVV-në – sot u panë fytyrat e vërteta të Konjufcës, Muratit dhe Kusarit

Autori: Gazeta inFokus 16:44 | 21 April 2025

Analisti dhe njohësi i çështjeve politike, Shenoll Muharremi, ka reaguar pas dështimit të seancës për zgjedhjen e kryetarit të Kuvendit, duke kritikuar ashpër sjelljen e Lëvizjes Vetëvendosje (LVV).

Ai tha se kjo parti me shumicë parlamentare po refuzon të tërhiqet nga kandidatura e propozuar, Albulena Haxhiu, duke bllokuar kështu procesin e formimit të institucioneve.

Sipas Muharremit, situata aktuale tregon qartë se koha nuk është më në favor të LVV-së. Ai theksoi se sot dolën në pah tri fytyrat e vërteta të kësaj partie:

-Advertisement-

Glauk Konjufca: “Duhet dialog politik”

Hekuran Murati: “Opozita po bllokon”

Mimoza Kusari: “Shkojmë në zgjedhje”

“Ky është momenti kur LVV nuk po pranon realitetin e ri politik të krijuar pas 9 shkurtit. Albin Kurti kërkoi 500 mijë vota me qasjen ‘o krejt, o asgjë’, por me gjasë fitoi ‘asgjë’, sipas strategjisë së tij,” u shpreh Muharremi.

Ai shton se Vetëvendosje nuk po arrin të adaptohet me realitetin e ri ku nuk i ka votat për të krijuar një shumicë parlamentare. Për këtë arsye, po përdor taktika të zvarritjes, duke bllokuar formimin e institucioneve dhe qeverisë.

“Problemi kryesor i LVV-së është që koha nuk po punon më për ta. Bashkëpunimi me partitë e tjera nënkupton kompromis – ndoshta edhe për pozitën e kryeministrit. Ndërsa zgjedhjet e reja mund të jenë edhe më të pafavorshme për këtë subjekt, që tashmë është në trend të rënies. Nëse ndodh një krizë e tretë energjetike dhe krijohet një valë e re inflacioni, mbështetja për LVV-në mund të bjerë deri në 30%,” paralajmëroi ai.

Sipas Muharremit, sa më shumë kohë kalon, LVV humb gjithnjë e më shumë.

“Kjo bllokadë nuk po dëmton vetëm një parti, por po e vë në rrezik të madh funksionimin e shtetit dhe stabilitetin e Kosovës në një moment vendimtar,” përfundon reagimin e tij Shenoll Muharremi./Gazeta Infokus 

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy