Lajme

Kosova bëhet si në Perëndim – Nga 3 prilli fillon dërgimi i gjobave të trafikut në adresë të pronarit të automjetit

Autori: Gazeta inFokus 15:36 | 01 Prill 2025

Policia e Kosovës ka bërë të ditur se nga data 3 Prill 2025, do të fillojë dërgimin e gjobave të trafikut në adresë të pronarit të automjetit për kundërvajtjet, të identifikuara përmes kamerave dhe radarëve.

“Nga data 3 Prill 2025, Policia e Kosovës do të fillojë dërgimin e gjobave të trafikut në adresë të pronarit të automjetit për kundërvajtjet , e identifikuara përmes kamerave dhe radarëve”, thuhet në njoftim.

Ndërsa bëhet e ditur se gjobat do të dërgohen përmes Postës së Kosovës dhe përmes platforma e-Kosova.

-Advertisement-

“Nëse nuk e keni më në pronësi një automjet, njoftoni autoritetet dhe transferoni pronësinë, për të shmangur gjobat dhe shqetësimet e panevojshme”, thuhet në njoftim..

Si do të dërgohen gjobat?

Përmes Postës së Kosovës

Përmes platformës e-Kosova

Çka duhet të dini?

Pronari i automjetit do të pranojë gjobën në adresën e tij.

Nëse ai nuk ishte drejtuesi i mjetit në momentin e shkeljes, është i detyruar të sigurojë të dhënat e shoferit.

Mosdorëzimi i këtyre të dhënave sjell masa ligjore për personat fizik dhe juridik sipas nenit 254 të Ligjit nr. 08/L-186.

Lehtësira për qytetarët

Përfitoni -50% zbritje në pagesë, nëse e paguani brenda afatit ligjor!

Keni të drejtën e ankesës nëse nuk pajtoheni me gjobën.

A keni shitur një automjet?

Nëse nuk e keni më në pronësi një automjet, njoftoni autoritetet dhe transferoni pronësinë, për të shmangur gjobat dhe shqetësimet e panevojshme.

Respektoni rregullat e trafikut dhe kontribuoni në sigurinë rrugore!

Policia e Kosovës | Siguria në rrugë është përgjegjësi e përbashkët!

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy