Gazetari Shkelzen Dakaj ka reaguar ashpër pas vizitës së ish-presidentit Hashim Thaçi në Qendrën Klinike Universitare të Kosovës (QKUK), ku ai kishte shkuar për të parë babain e tij të sëmurë.

Dakaj e ka cilësuar si “padrejtësi të madhe” trajtimin që Hashim Thaçi ka marrë nga Gjykata e Hagës dhe baltosjen e figurës së tij nga ata që, sipas tij, kanë nostalgji për Jugosllavinë dhe nga një klasë politike që sot është në pushtet, shkruan Gazeta Infokus.

“Padrejtësia që i është bërë këtij njeriu nga Gjykata e Hagës e baltosja që janë munduar me ia bërë injorantët dhe ata që ende kanë nostalgji për Jugosllavinë, është turpi më i madh i kësaj klase politike që kemi sot në pushtet, nga presidentja e deri te të tjerët në pozitat më të larta,” ka shkruar Dakaj.

-Advertisement-

Sipas tij, Vjosa Osmani, Albin Kurti dhe të tjerët në pushtet kanë qenë ideologët dhe nxitësit e urrejtjes ndaj Hashim Thaçit dhe Ushtrisë Çlirimtare të Kosovës.

“Këta që tani janë në pushtet e kur ishte koha për t’i dalë zot atdheut, nuk ishin askund. Sot, në krye të shtetit i kemi ata që Hashim Thaçin, shokët e tij dhe UÇK-në në përgjithësi e kanë urryer me shpirt, më shumë sesa kanë pasur pakënaqësi për mënyrën e qeverisjes së tij,” ka shtuar ai.

Dakaj shprehet se historia nuk mund të fshihet dhe se, pavarësisht kritikave për mënyrën e qeverisjes së tij, Hashim Thaçit nuk mund t’i mohohet roli historik në Kosovë. Ai e përshkruan Thaçin si prijës të UÇK-së, luftëtar të lirisë, negociator të Marrëveshjes së Rambujesë, ndërtues të shtetit dhe liderin që shpalli Pavarësinë e Kosovës.

“Hashim Thaçi do të mbetet në histori si një njeri që gjysmën e jetës së tij e ka sakrifikuar për këtë shtet që sot e kemi, për këtë liri që e gëzojmë dhe për këtë pavarësi që është e qendisur me gjakun dhe sakrificat e brezave. Këtë çmim po e paguan edhe tani,” ka përfunduar Dakaj.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-