Sport

Duka për Evropianin e të rinjëve që organizohet me Serbinë: Eventi më i madh sportiv në historinë e Shqipërisë

Autori: Gazeta inFokus 16:06 | 04 February 2025

Edhe zyrtarisht Shqipëria dhe Serbia do të organizojnë kampionatin Evropian U-21 të vitit 2027.

Për këtë ka reaguar nga presidenti i FSHF-së dhe njëkohësisht zv.president i UEFA-së.

“Ky është një vendim shumë i rëndësishëm nga UEFA, sepse Kampionati Europian U-21 i vitit 2027 do të jetë më shumë sesa një turne futbolli. Ai do të shërbejë si një katalizator për të thyer barriera, për të forcuar mirëkuptimin e ndërsjellë dhe për të krijuar një të ardhme më pozitive për popujt e Shqipërisë dhe Serbisë. Ky turne do të tregojë gjithashtu se çfarë mund të arrihet kur njerëzit bashkohen rreth një objektivi të përbashkët, të frymëzuar nga fuqia e futbollit”.

-Advertisement-

“Ky do të jetë eventi më i madh sportiv në historinë e Shqipërisë. Prandaj, ai na jep mundësinë që, me mbështetjen e UEFA-s, të modernizojmë stadiumet dhe infrastrukturën e futbollit në të gjithë vendin. Gjithashtu, ky organizim do të krijojë një trashëgimi të qëndrueshme për të frymëzuar brezat e ardhshëm të lojtarëve, vullnetarëve dhe tifozëve në të dyja vendet”, shtoi Duka.

Kujtojmë se në këtë Evropian, ndeshja hapëse do të zhvillohet në Novi Sad, ndërsa finalja do të mbahet në Tiranë.