Lajme

“Në rastin e Banjskës spitali i Mitrovicës s’kishte as penjë” – Deputetja Rrezarta Krasniqi me kritika të forta për gjendjen e shëndetësisë në Kosovë

Autori: Gazeta inFokus 23:19 | 10 January 2025

Deputetja e Lidhjes Demokratike të Kosovës, Rrezarta Krasniqi, ka kritikuar menaxhimin që ia ka bërë shëndetësisë në katër vite qeveria Kurti.

Duke folur për këtë temë, Krasniqi ka thënë se akuzat se situata e tanishme në spitalet e Kosovës është si pasojë e qeverisjeve të kaluara, janë akuza të pabaza.

“Nuk është e vërtetë që situata ka ardhur vetëm nga qeveritë e kaluara. Çka kanë bërë ata për katër vite? Shumë pak, madje rritja e pagave është minimale. Ku janë infermierët? Ku është stafi mjekësor? Statistikat që jep kryeministri Kurti janë vetëm mashtrime për mjekët dhe punonjësit e tjerë në sektorin publik”, ka thënë Krasniqi, që edhe në zgjedhjet e 9 shkurtit kandidon për deputete me LDK-në.

-Advertisement-

Ajo është shprehur e bindur se qeveria Kurti do të përfundoj më 9 shkurt, përkundër që sipas Krasniqit, po tentohet që blihen vota në mënyra të ndryshme.

“E kam një informacion që në spitalin e Mitrovicës, në rastin e Banjskës, nuk ka pas as penjë atë ditë, domethënë që s’ka qenë aspak i përgatitur as spitali i Basnjskës, duke e pasur parasysh që këta kanë marr mesazhe që diçka do të ndodh, sepse derisa dalin edhe folin që ka me pas sulme, ata duhet me qenë të përgatit. Mirëpo, spitali i Mitrovicës nuk ka qenë i pajisur me gjërat elementare atë kohë kur ka ndodh sulmi në Banjskë”, ka deklaruar Krasniqi në një intervistë për “Demos”.

“Kjo qeveri duhet të marrë përgjegjësi për dështimet në shëndetësi dhë në gjithë sektorët e tjerë. Duhet të sigurohen përmirësime të prekshme për qytetarët e Kosovës”, ka theksuar tutje ajo. /Gazeta Infokus

Subscribe në YouTube: GAZETA INFOKUSI
Black Friday ne Artmotion
-Advertisement-

Të tjera

Fokusi

lajme