Lajme

Rama: Po bashkëpunojmë me Kosovën për unifikimin e teksteve shkollore për diasporën

Autori: Gazeta inFokus 10:31 | 19 December 2024

Kryeministri Edi Rama theksoi se misioni i qeverisë është ruajtja e identitetit gjuhësor dhe kulturor në diasporë.

Në takimin vjetor të Këshillit Koordinues të Diasporës, Rama tha se po bashkëpunojnë me qeverinë e Kosovës për unifikimin e teksteve shkollore për diasporën dhe dixhitalizimin e tyre.

“Ruajtja e identiteti gjuhësor dhe kulturor është padiskutim pjesë e misionit tonë si komb, si qytetar të vetëdijshëm të këtij vendi, dhe si sistem institucional dhe më vjen mirë që edhe në këtë aspekt është bërë progres inkurajues. Ka nevojë për t’u bërë më shumë ashtu sikundër më vjen mirë që kemi bërë hapa kuptimplotë edhe në bashkëpunim me qeverinë e Kosovës, duke filluar nga unifikimi i abetares, me tekstet shkollore për diasporën të unifikuara, duke punuar për dixhitalizimin dhe aksesin falas të të gjithë fëmijëve dhe mësuesve në diasporë në programet me teknologji të avancuar dhe deri te shpërndarja e teksteve shkollore.

-Advertisement-

55 mijë tekste të shpërndarë për gjatë këtij viti, janë një shifër jo e vogël nëse marrim parasysh nga jemi nisur, kjo jo një shifër e jashtëzakonshme kur marrim parasysh se sa shumë fëmijë ka në diasporë. Programi mësues për Greqinë është hapja e një kapitulli të ri në qasjen ndaj nevojës për mësues të komuniteteve shqiptare në diasporë.

Zyrtarisht të regjistruar kemi 20 mijë fëmijë që marrin mësim në kurset e gjuhës shqipe që ne ndjekim, por ka shumë kurse të tjera që nuk janë të regjistruara, që nuk kemi marrë dijeni dhe përfitoj nga rasti t’i ftoj të gjithë që të bëjnë me dije institucionet lidhur me ekzistencë përkatës. Kemi krijuar regjistër të mësuesve në diasporë dhe një database për studentët që besoj se ka shumë vend për t’u përmirësuar”, tha Rama.

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’
-Advertisement-

Të tjera

Fokusi

lajme