Lajme

Thaçi nga Haga për aktakuzën e re: Mosrespektimi i Kushtetutës rrezikon demokracinë në Kosovë

Autori: Gazeta inFokus 15:21 | 17 December 2024

Ish-presidenti i Kosovës, Hashim Thaçi, ka thënë se mosrespektimi i Kushtetutës është një kërcënim serioz për demokracinë në vend.

Gjatë dëshmisë së tij para Dhomave të Specializuara, Thaçi kujtoi ngritjen e parë të aktakuzës kundër tij para katër vitesh, në nëntor të vitit 2020, vetëm tre muaj para se të rizgjidhej president i Kosovës.

Ai shtoi se, vetëm 10 ditë më parë, Zyra e Prokurorit të Specializuar ka prezantuar një aktakuzë shtesë, dy muaj para zgjedhjeve parlamentare në Kosovë, duke potencuar se kjo është një përpjekje për të minuar procesin demokratik në vend.

-Advertisement-

“Ju e dini se para katër vjetësh, në nëntor të vitit 2020, u ngrit një aktakuzë kundër meje, vetëm tre muaj para se të rizgjidhesha president i vendit. Tash, vetëm 10 ditë më parë, Zyra e Prokurorit prezantoi një aktakuzë shtesë, vetëm dy muaj para zgjedhjeve parlamentare në Kosovë. “Dua të sqarojë edhe njëherë unë nuk jam pjesë e garës politike…”.

Thaçi e shprehu shqetësimin e tij për mënyrën se si po zhvillohen ngjarjet, duke theksuar se këto veprime rrezikojnë stabilitetin dhe integritetin e institucioneve të Kosovës.

Subscribe në YouTube: GAZETA INFOKUSI