Ish-mbrojtësi Leonardo Bonucci, tashmë ndihmës trajner, ka dhënë një intervistë për “Prime Video”, ku ka rrëfyer disa episode të bujshme nga karriera e tij te Juventusi.

Një nga momentet më të diskutuara ishte përplasja me trajnerin Massimiliano Allegri dhe vendimi për ta ulur në tribunë gjatë ndeshjes kundër Portos në Champions League. Kjo ishte masë ndëshkuese e trajnerit për të.

“Para asaj ndeshjeje, në një tjetër, Marchisio nuk po e përballonte dot ritmin pas një ore lojë. I thashë të kërkonte zëvendësim, por ai nuk donte. I bëj shenjë Allegrit që të heqë numrin 8 (Marchision), por pas 5 minutash ai zëvendësoi Sturaron me Rincon. Unë i bëra disa gjeste, ndërsa Allegri më dërgoi në të sëmës… Më tha të mendoja për të luajtur dhe më quajti bo*e (budalla). Ka filmime për këtë moment.

-Advertisement-

Pas ndeshjes, Landucci (asistenti i Allegrit) u përpoq të më ndalonte, por unë e shtyva pas derës së dhomës së zhveshjes. U përplasëm derisa na ndanë. Më pas i thashë që nuk e kishte kuptuar çfarë po përpiqesha të thoja. Ai u zemërua përsëri, më nxorën jashtë dhe aty mbaroi gjithçka. Allegri më donte jashtë ekipit, por ishte drejtoria që ndërmjetësoi situatën.

Humba ndeshjen kundër Portos, por u riktheva në formacion. Gjithsesi, diçka ishte thyer. Gjatë ndërmjetësimit, më thanë që isha i rëndësishëm dhe se Allegri kishte kontratë në skadim. Në fakt, pak para finales së Cardiff-it ia rinovuan kontratën. E drejtë, për hir të Zotit, por më pas dolën thashethemet se kisha krijuar përçarje në dhomën e zhveshjes gjatë finales. E thirra drejtorin dhe e pyeta nëse duheshin mohuar këto thashetheme, por më tha që klubi nuk do reagonte”.

Bonucci, gjithashtu u shpreh për deklaratat e ish-shokut të skuadrës, Wojciech Szczesny, i cili kishte thënë se ai dhe De Ligt vinin kufjet në vesh sa herë që Bonucci fliste në dhomën e zhveshjes: “Jam ndjerë keq nga ajo deklaratë. Unë flisja për të mirën e ekipit.

Kur e bëja këtë, ai nuk ishte aty, ishte mbyllur në banjë dhe s’po ju tregoj për çfarë, por edhe ai ka folur për këtë. Përdori edhe De Ligt, por me të kisha marrëdhënie shumë të mirë. Mendoj që Szczesny ishte në një periudhë tranzicioni, ndoshta i hutuar. Sidoqoftë, jam i habitur nga ajo marrëzi që tha”.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-