Sport

McKennie: Juve është ekip në rritje dhe me potencial të madh

Autori: Gazeta inFokus 11:38 | 09 December 2024

Mesfushori i Juventusit, Weston McKennie në një intervistë për ‘CBS’, ka folur për periudhën që po kalon skuadra e tij këtë sezon të garave.

Sipas tij, Juve është skuadër e re me potencial të madh dhe që është në rritje.

“Grupi ynë është i ri dhe me potencial të madh”, ka thënë mesfushori amerikan.

-Advertisement-

“Ne jemi ekip që jemi në rritje dhe po punojmë çdo ditë që të përmirësohemi. Të jesh në Juventus do të thotë të përballesh me presion të vazhdueshëm, por është diçka me të cilën duhet të mësohemi të jetojmë. Kur ne humbim pikë gjatë rrugës, kritikat nuk mungojnë, por e dimë që është pjesë e lojës”.

“Sapo të përfundojë njëra ndeshje, duhet të fokusohemi menjëherë te ndeshja tjetra. Ne duhet të jemi gjithmonë të fokusuar te objektivat tona”, ka pohuar McKennie.

Reprezentuesi amerikan thotë se çdo ditë e përjeton njëjtë futbollin.

“Mënyra ime për të përjetuar futbollin është gjithmonë e njëjtë. Unë punoj shumë çdo ditë me përkushtim në mënyrë që të përmirësohem sa më shumë. Gjithmonë e jap maksimumin”, ka thekura McKennie.

Subscribe në YouTube: GAZETA INFOKUSI