Sport

Llapi asesi të këndellet, Drita shkëlqen në derbi kundër Ballkanit

Autori: Gazeta inFokus 15:26 | 30 November 2024

Llapi e ka regjistruar edhe ndeshjen e tetë pa fitore në Superligën e Kosovës në futboll.

Ekipi i drejtuar nga Tahir Batatina barazoi 1:1 me Ferizajn në shtëpi, raporton Express.

Në minutën e 50-të, Imamovic i Ferizajt u ndëshkua me karton të kuq dhe u mendua se gjithçka do të ishte më e lehtë për Llapin.

-Advertisement-

Në minutën e 89-të, Hamdi Namani realizoi për 1:0, por minutat shtesë ishin fatale për llapjanët.

Sokol Kiçina shënoi nga penalltia në minutën e nëntë shtesë, për ta mbyllur me barazim këtë sfidë.

Me këtë barazim, Llapi tani ka 17 pikë në vendin e shtatë, kurse Ferizaj mbetet i parafundit me një pikë më pak.

Nga ana tjetwr, Drita e ka fituar derbin kryesor të javës së 15-të në Superligën e Kosovës në futboll.

Gjilanasit triumfuan 2:3 në udhëtim ndaj Ballkanit.

Almir Ajzeraj kaloi mysafirët në epërsi në minutën e 22-të të ndeshjes.

Rezultati u barazua në minutën e 64-të, kur Sunday Adetunji realizoi me kokë.

Tetë minuta më vonë, Blerim Krasniqi riktheu epërsinë e mysafirëve pas asistit nga Arb Manaj.

E ky i fundit shënoi në minutën e 82-të për 1:3.

Vendasit arritën të realizonin në minutën e dytë shtesë, por që nuk arritën të nxirrnin të paktën një pikë nga kjo përballje.

Me këtë fitore, Drita tani shkon në kuotën e 34 pikëve në vendin e parë, kurse Ballkani mbetet përkohësisht në vendin e dytë me tetë pikë më pak.

VIVA FRESH E SHPALL KREEEEJT MUAJIN BLACK NOVEMBER!
-Advertisement-

T� tjera

Fokusi

sport

Ky website përdor cookies. Duke vazhduar përdorimin, ju pranoni përdorimin e tyre.

Privacy policy