Lajme

Kryeministri australian e pranon me krenari: Kam lidhje të drejtpërdrejtë me Shqipërinë, rrënjët e mia janë arbëreshe

Autori: Gazeta inFokus 10:49 | 27 November 2024

Kryeministri i Australisë, Anthony Albanese, ka pranuar me krenari origjinën e tij arbëreshe, duke deklaruar lidhjet e tij me Shqipërinë përpara ambasadorit shqiptar në Canberra dhe komunitetit shqiptaro-australian.

Gjatë një ceremonie të organizuar për “Miqtë Shqiptarë të Parlamentit”, Albanese zbuloi rrënjët e tij arbëreshe nga Barletta, një qytet në rajonin e Pulias në jug të Italisë, i njohur për komunitetin e tij të madh arbëresh, që numëron rreth 100 mijë njerëz.

“Diku në të kaluarën time, pa dyshim që kam një lidhje shumë të drejtpërdrejtë me Shqipërinë. Barletta ndahet vetëm nga deti me Shqipërinë,” tha kryeministri australian gjatë fjalimit të tij, duke treguar lidhjen e ngushtë mes origjinës së tij dhe historisë shqiptare.

-Advertisement-

Ndërkaq, kjo deklaratë ka ngjallur krenari tek komuniteti shqiptaro-australian dhe ka theksuar rolin e fortë të arbëreshëve në historinë e diasporës shqiptare.

Subscribe në YouTube: GAZETA INFOKUSI
Studente dhe prind, Medina Berisha tregon për rrugëtimin e saj akademik në UNI- Universum International College, fuqizuar nga Arizona State…
-Advertisement-

Të tjera

Fokusi

lajme