Sport

Një tjetër shtet shkon në CAS ndaj Rumanisë pas fitores në tavolinë ndaj Kosovës

Autori: Gazeta inFokus 11:23 | 21 November 2024

Suedia fitoi 6-0 kundër Azerbajxhanit në raundin e fundit të Ligës së Kombeve.

Fitorja e ishte e rëndësishme sepse kombëtarja suedeze kishte mundësinë të dilte kombëtarja më e mirë e Ligës C, që ndoshta do të nënkuptonte një vend përfundimtar në play-off për Kupën e Botës 2026.

Por nuk ndodhi kështu. Të mërkurën, UEFA njoftoi se Rumanisë do t’i jepet fitorja në tavolinë kundër Kosovës, e cila u ndërpre në minutën e 92-të me rezultatin 0-0.

-Advertisement-

Kësisoj, Rumania doli përfaqësuesja me më së shumti pikë dhe e para në Ligën C.

Gazeta Fotbollskanalen raporton se Federata Suedeze e Futbollit e ka ankimuar vendimin.

Edhe nëse artikulli nuk jep detaje të sakta në lidhje me këtë apel, suedezët me shumë gjasa do të kërkojnë shpjegime sesi Rumania doli e para në Ligën C pas fitores në tavolinë, e jo në fushë.

“Pas fitores [ndaj Azerbajxhanit], ne kemi pritur njoftimin e UEFA-s për rezultatin e ndeshjes ndërmjet Rumanisë dhe Kosovës. Tani ka ardhur një vendim i cili nga ana jonë është negativ. Vendimi ka të bëjë kryesisht me skuadrat e përfshira, por jemi duke hetuar mundësinë e apelimit”, tha Kim Kallstrom, menaxheri i kombëtares suedeze.

“Është e pabesueshme që sjellja jashtë fushës ka ndikim në rezultatin sportiv dhe ndikon si në skuadrat e përfshira ashtu edhe tek ne”, tha Kallstrom.

Subscribe në YouTube: GAZETA INFOKUSI