Ismet Beqiri synon për të 7-tën herë karrigen e deputetit të Kuvendit të Kosovës.

Në tubimin e Lidhjes Demokratike të Kosovës, ai është prezantuar nga shefi i partisë së tij, Lumir Abdixhiku si kandidat për deputet në zgjedhjet e 9 shkurtit, transmeton IndeksOnline.

“LDK-ja ka qëndruar gjithmonë si burim shprese dhe progresi, e nxitur nga përkushtimi ndaj vlerave tona thelbësore dhe aspirata për të ndërtuar një të ardhme më të mirë për të gjithë. Roli i Deputetit nuk është vetëm një post, pozitë me përgjegjësi, por është një mundësi për të çuar më tej misionin tonë dhe për të kontribuar në suksesin e përbashkët të LDK-së.Unë jam i përkushtuar të dëgjoj shqetësimet tuaja, të mbroj vlerat tona të përbashkëta dhe të siguroj që partia e Presidentit Historik Dr.Ibrahim Rugova”, ka shkruar Beriqi në llogarinë e tij në Facebook, transmeton IndeksOnline.

-Advertisement-

Statusi i tij i plotë në Facebook:

Me përulësi dhe mirënjohje të thellë ju drejtohem si i nominuar nga Lidhja Demokratike e Kosovës për Deputet në Kuvendin e Republikës së Kosovës.

Së pari dhe më kryesorja, dua të shpreh falënderimet e mia të sinqerta për të gjithë ata që më kanë mbështetur dhe inkurajuar gjatë gjithë karrieres time politike si Kryetar i Prishtinës dhe Deputet i Kuvendit të Kosovës për 6 mandate. Besimi juaj në mua dhe përkushtimi juaj ndaj vizionit tonë ka qenë një burim frymëzimi dhe motivimi.

LDK-ja ka qëndruar gjithmonë si burim shprese dhe progresi, e nxitur nga përkushtimi ndaj vlerave tona thelbësore dhe aspirata për të ndërtuar një të ardhme më të mirë për të gjithë. Roli i Deputetit nuk është vetëm një post, pozitë me përgjegjësi, por është një mundësi për të çuar më tej misionin tonë dhe për të kontribuar në suksesin e përbashkët të LDK-së.

Unë jam i përkushtuar të dëgjoj shqetësimet tuaja, të mbroj vlerat tona të përbashkëta dhe të siguroj që partia e Presidentit Historik Dr.Ibrahim Rugova,

Lidhja Demokratike e Kosovës të mbetet një forcë e madhe dhe e bashkuar për ndryshime pozitive.

Angazhimi im ka qenë dhe mbetet që zëri i LDK-së të vazhdojë të jetë i fuqishëm për çështjet që kanë më shumë rëndësi për ju, votuesit tanë.

Faleminderit për mbështetjen, besimin tuaj në vizionin tonë të përbashkët. Së bashku, le të vazhdojmë të angazhohemi për unitet dhe progres.

I juaji, Ismet Beqiri

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-