Lajme

Lahi Brahimaj – ministrit Maqedonci: Merru pak me kushtet e ushtarëve, po punojnë taksistë

Autori: Gazeta inFokus 10:41 | 19 September 2024

Lahi Brahimaj, ish-komandanti i UÇK-së, e ka porositur ministrin e Mbrojtjes, Ejup Maqedoncin që të merret më shumë me kushtet e ushtarëve dhe të lë anash temat populiste.

Brahimaj, në një shkrim në Facebook të enjten, tha se është e dhimbshme t’i shohësh ushtarët e FSK-së që detyrohen të bëjnë edhe punë të tjera.

“Ministri i Mbrojtjes del e flet për dialogun me Serbi, por assesi për kushtet e ushtarëve.
E dhimbshme që një numër i madh i ushtarëve detyrohen të punojnë punë tjera, si taksistë e kamarierë, vetëm për të mbajtur familjet e tyre.

-Advertisement-

Lavdërimet për shefin e tij, që Ministri Maqedonci nuk kursente për t’i hyrë në qejf, nuk ia rregullojnë fare jetën ushtarëve të Kosovës.

Ata nuk kanë mbështetje, pagat i kanë më të ulëtat në rajon, çizmet i vijnë nga kompani në listë të zezë, dhe ka raste kur ushtarakë të edukuar e trajnuar në Akademitë prestigjioze perëndimore kanë lëshuar FSK-në për shkaqe të këtilla.

Ministër, lëri temat populliste e lavdet për shefin.

Merru me kushtet e ushtarëve, sepse ky duhet të jetë prioriteti yt”, ka shkruar Brahimaj në reagim.

Subscribe në YouTube: GAZETA INFOKUSI
Etiketa:
BKT Kosova hap degën më te re në qytetin e Suharekës
-Advertisement-

Të tjera

Fokusi

lajme