Gjykimi ndaj Thaçit e të tjerëve – vdes një viktimë pjesëmarrëse, kishte dhe statusin e dëshmitarit
Autori: Gazeta inFokus 17:35 | 28 August 2024
Këtë vit ka vdekur një viktimë pjesëmarrëse në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit. Numri i viktimave pjesëmarrëse tani është 153.
Kjo është bërë e ditur nga ana e mbrojtjes së viktimave dhe sipas njoftimit, kjo viktimë ishte pranuar për të marrë pjesë në këto procedura me 21 prill 2021 e po ashtu ajo e kishte edhe statusin e dëshmitarit.
“Viktima 02/06 u pranua për të marrë pjesë në procedura si viktimë më 21 prill 2021 si rezultat i vuajtjes së dëmtimit fizik dhe mendor nga paraburgimi i tij. Viktima 02/06 gjithashtu kishte statusin e një dëshmitari në këtë rast nën pseudonimin [REDAKTUAR]”, thuhet në njoftimin e avokatit të viktimave.
Se viktima pjesëmarrëse kishte vdekur, avokati i viktimave ishte njoftuar në qershor.
“Më 15 qershor 2024, avokati i viktimave u informua nga [REDAKTUAR] se viktima 02/06 kishte ndërruar jetë. ZPS-ja konfirmoi për avokatin e viktimave se viktima 02/06 vdiq më [REDAKTUAR]. Historia e vonesës në marrjen e kësaj informate nga avokati i viktimave është shpjeguar në [REDAKTUAR]”, thuhet në njoftim.
Tutje, thuhet se mbrojtësi i viktimave ka tentuar të konstatojë nëse ekziston ndonjë i afërm i viktimës që mund të aplikojë për të marrë pjesë në këtë proces, por që ndonjë aplikim i tillë nuk ishte bërë.
“Që kur ka marrë këtë informacion, avokati i viktimave ka tentuar të konstatojë nëse ekziston ndonjë i afërm i ngushtë i V02/06 i cili mund të dëshirojë të aplikojë për të marrë pjesë si viktimë si pasardhës i tij. Deri më sot, nuk është planifikuar ndonjë aplikim i tillë”, thuhet në njoftim.
Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.
Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /BetimipërDrejtësi
Të tjera
-
Tre të vdẹkur brenda 24 orëve në Kosovë
Tre persona janë raportuar të vdekur brenda 24 orëve në raportin e policisë. ...
-
Rrjedhja e dokumenteve zbulon fushatën dezinformuese të Rusisë/ Skema si Moska synonte të njolloste Ukrainën dhe qeveritë perëndimore që e mbështesin
Një sasi e madhe e të dhënave që rrodhën nga një fushatë dezinformuese e Rusi...
-
Paketa të dyshimta iu dërguan zyrtarëve zgjedhorë në të gjithë Amerikën
FBI-ja dhe Departamenti Amerikan i Postës po hetojnë paketat e dyshimta të ma...
-
Krasniqi: Kurti propagandën e ka mjeshtri, veriu është instrumentalizuar për qëllime elektorale
Kryetari i Partisë Demokratike të Kosovës (PDK), Memli Krasniqi, ka thënë se...
-
Dialogu Kosovë-Serbi, pa takim të përbashkët në Bruksel – çfarë tha Lajçak e Bislimi?
Të martën në Bruksel, zëvendëskryeministri Besnik Bislimi u takua me Përfaqës...
-
Estonezja Kallas do ta udhëheqë dialogun Kosovë-Serbi, sllovenja Kos në krye të Komisionit për Zgjerim
Estonezja Kallas do ta udhëheqë dialogun Kosovë-Serbi, sllovenja Kos në krye ...
-
Vazhdon procesi gjyqësor ndaj ish-krerëve të UÇK-së
Në Dhomat e Specializuara të Kosovës në Hagë sot vazhdon procesi gjyqësor nda...
-
Ngjarjet e paralajmëruara për sot
Disa nga ngjarjet e paraljmëruara për sot. Vazhdon procesi gjyqësor në ras...
-
BERZH sot nis linjën e re të kredisë për bankat vendase
Banka Evropiane për Rindërtim dhe Zhvillim (BERZH) sot nis linjën e re të kre...
-
Cani: Nëse s’plotësohen kërkesat e Gjermanisë e Francës, mund të ketë edhe sanksione të tjera
Cani: Nëse s’plotësohen kërkesat e Gjermanisë e Francës, mund të ketë edhe sa...
-
Moti sot i vranët dhe me shi
Instituti Hidrometeorologjik i Kosovës ka paralajmëruar se sot do të mbajë mo...
-
E konfirmon Albulena Haxhiu: Ura u diskutua në Bruksel
Ministrja e Drejtësisë, Albulena Haxhiu, deklaroi sonte se në Bruksel është f...