Lajme

Hapja e Urës së Ibrit, DASh: Nuk do të hezitojmë të mbrojmë jetët e amerikanëve

Autori: Gazeta inFokus 09:45 | 16 August 2024

Departamenti i Shtetit ka thënë se ShBA-ja nuk do të hezitojë të bëjë çfarëdo që është e nevojshme që të mbrojë personelin dhe popullin amerikan në Kosovë.

Këto komente u bënë nga zëvendës zëdhënësi kryesor i DASh-it, Vedant Patel, gjatë një konference të djeshme për media.

“Nuk do të hezitojmë të bëjmë çfarëdo që është e nevojshme të sigurohemi që personeli amerikan dhe njerëzit tanë janë të mbrojtur”, ka thënë Patel.

-Advertisement-

Ky reagim vjen në dritë të idesë për hapjen e urës së Ibrit në Mitrovicë nga Qeveria e Kosovës.

Kjo ide nuk ka hasur në mbështetje nga faktori ndërkombëtar.

ShBA-ja, BE-ja e vende tjera aleate të Kosovës i kanë kërkuar qeverisë që të mos ndërmarrë veprime të njëanshme.

Ambasadori i ShBA-së në Kosovë, Jeffrey Hovenier, ka thënë se në rast të ndërmarrjes së një veprimi të tillë, mund të rrezikohet jeta e ushtarëve amerikanë në kuadër të KFOR-it.

Ky i fundit e ka lutur qeverinë që të mos vazhdojë me këtë ide në këtë kohë.

Qeveria ndërkaq ka thënë se ura duhet të hapet dhe se e njëjta nuk paraqet rrezik për askënd në Kosovë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy