Lajme

Kampionia ruse e shahut tenton të helmojë kundërshtaren e saj! Kapet nga kamerat e sigurisë duke i hedhur merkur në…/PAMJE

Autori: Gazeta inFokus 10:23 | 08 August 2024

Një kampione ruse i shahut, e cila tentoi të helmonte një kundërshtare gjatë kampionatit të shahut të Dagestanit, që u mbajt në Makhachkala në fillim të gushtit, po përballet me tre vjet burg.

Pamjet e kapura nga një kamera sigurie tregojnë 40-vjeçaren Amina Abkarova duke hyrë në sallën ku do të mbaheshin lojërat më 2 gusht. Gruaja shihet duke parë disa lista në një stol (që ndoshta tregonte se ku do të ulej kundërshtari i saj) dhe pasi sigurohet që fusha është e pastër, i afrohet një prej tabelave të shahut tashmë të vendosura.

Pasi hodhi një vështrim përreth për t’u siguruar që asnjë nga të paktët në dhomë nuk po e shikonte, ajo nxjerr diçka nga çanta. Më pas ajo shihet teksa derdh një substancë mbi tavolinë dhe pjesët e shahut dhe largohet.

-Advertisement-

Objektivi i Abkarova, sipas mediave ndërkombëtare, ishte 30-vjeçarja Umayganar Osmanova, e cila pasi u ul në tavolinën e shahut shfaqi përkeqësime të shëndetit, gjatë ndeshjes.

Ky veprim i 40-vjeçares doli në dritë pasi një gjyqtar i garave raportoi në polici për gjendjen e çuditshme të Osmanovas, duke bërë që të kontrolloheshin kamerat e sigurisë.

Abkarova më vonë pranoi para autoriteteve se kishte thyer një termometër në tavolinën e shahut të 30-vjeçares dhe kishte derdhur merkur mbi të. Madje, ajo dyshohet se u përpoq të justifikonte aktin e saj duke thënë se Osmanova ishte ajo që nisi sherrin mes tyre, pasi në një turne të mëparshëm kishte ofenduar atë dhe familjen e saj.

“Jam e tronditur nga ajo që ndodhi. Nuk mund t’i kuptoj motivet që e shtynë një shahiste me përvojë si Abakharova të bëjë këtë veprim”, tha ministrja e Sportit e Dagestanit, Sazida Sazidova . “Veprimet e saj mund të kenë një përfundim tragjik, duke kërcënuar jetën e të gjithë konkurrentëve, përfshirë edhe veten.

Abkarova fitoi kampionatin rajonal të shahut të Kaukazit vitin e kaluar dhe punon si trajnere shahu në një shkollë në Makhachkala.

A Dagestan chess player tried to poison her opponent with mercury during competitions

The champion of the North Caucasus Federal District in chess Amina Abakarova tried to poison her opponent Umayganat Osmanova right during the competitions, which took place on August 2 in… pic.twitter.com/l9RmMg6xYF

— Sota News (@sotanews) August 7, 2024