Rozë

“Një orë brenda në avion pa kondicioner”, Bes Kallaku i revoltuar nga linja Milano-Rinas: Trajtim çnjerëzor për shqiptarët…/PAMJE

Autori: Gazeta inFokus 13:17 | 29 July 2024

Aktori i njohur i humorit Bes Kallaku me një video në rrjetet sociale ndau shqetësimin e tij lidhur me kushtet jo të mira të linjës së avionit Milano-Rinas. Në video shfaqet Kallaku brenda një avioni ku në sfond dëgjohen të qara fëmijësh dhe zëra njerëzish të revoltuar.

Kallaku u shpreh se i kishin mbyllur brenda në avion prej një ore dhe pa kondicioner. I djersitur aktori i humorit thot: Është një tmerr, sikur të kemi dalë nga deti ose dushi, tmerr fëmijët janë bërë qull.

Më tej me një video tjetër Besi tregon se stafi i hapi dyert dhe nxori pasagjerët jashtë në pistë. Në sfond dëgjohet duke bërtitur një person i stafit të linjës ajrore “Georgian Wings”.

-Advertisement-

“Na nxorrën të marrim frymë, ai tjetri bërtet se i thonë pse nxore njerëzit në pistë. Kush do rezistonte aty?” tha Besi.

Aktori i humorit e mbylli me një video nga autobusi ku pasagjerët u dërguan pas disa orësh vuajtje në të nxehtë për të qëndruar me ajër të kondicionuar.

“Situatë kaotike dhe trajtim çnjerëzor për shqiptarët” shkruan Kallaku.