Lajme

Në Zvicër vazhdon Samiti i Paqes për Ukrainën

Autori: Gazeta inFokus 10:53 | 16 June 2024

Në Byrgenstok, afër Luzernit, në Zvicër, sot për të dytën ditë me radhë, vazhdojnë punimet e samitit për Ukrainën, ku po marrin pjesë liderët e më shumë se 90 vendeve dhe institucioneve të ndryshme.

Presidentja e Kosovës, Vjosa Osmani, e përfaqëson Kosovën dhe do të jetë në mesin e afro 100 liderëve nga mbarë bota.

Presidenti ukrainas, Volodymyr Zelenskyy, tha dje gjatë një konference shtypi me presidenten zvicerane Viola Amherd, se në këtë takim do të “shkruhet historia”. Ai tha se ky takim kishte arritur suksesin e pritshëm.

-Advertisement-

Udhëheqësit e Italisë dhe Gjermanisë kanë kundërshtuar me forcë kushtet e armëpushimit të përcaktuara nga Vladimir Putin për të ndalur luftën në Ukrainë.

Të premten, Putin pretendoi se do të pajtohej me një armëpushim nëse Ukraina tërhiqte trupat nga katër rajone të cilat Rusia i pushton pjesërisht dhe pretendon se i ka aneksuar, shkruan BBC.

Subscribe në YouTube: GAZETA INFOKUSI